មូលហេតុ២ លោក ធន់ សុភា ចង់ឲ្យ ម៉ឺន សុភា ចេញទៅវ៉ៃនៅក្រៅប្រទេស

2016-09-29 21:01:41
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកគ្រូប្រដាល់គុនខ្មែរ ធន់ សុភា ចង់ឃើញសិស្សរបស់លោកគឺអ្នកលេងកណ្តាប់ដៃ ម៉ឺន សុភា ចេញទៅបង្ហាសមត្ថភាពប្រកួតលើឆាកសង្វៀនអន្តរជាតិដើម្បីពង្រីកផ្សព្វផ្សាយក្បាច់គុនខ្មែរឲ្យកាន់តែទូលំទូលាយ និងពង្រឹងសមត្ថភាពរបស់ខ្លួន ខណៈកីឡាកររូបនេះមានកម្រិតសមត្ថភាពខ្ពស់ស្ទើររកគូប្រកួតមិនបាននៅក្នុងស្រុក។

គ្រូប្រដាល់ប្រចាំក្លឹបក្រសួងការពារជាតិ ធន់ សុភា ដោយមើលឃើញពីសមត្ថភាពដ៏ល្អ និងភាពខ្លាំងខ្លារបស់ ម៉ឺន សុភា ដែលអាចចេញទៅបង្ហាញសមត្ថភាពនៅក្រៅប្រទេសឲ្យបានញឹកញាប់ ។ រូបគេជាកីឡាករខ្លាំងជួរមុខនៅកម្ពុជាស្ទើរតែគ្មានគូរប្រកួតនៅក្នុងស្រុក។ ក្នុងនាមជាគ្រូបង្វឹកផ្ទាល់របស់ ម៉ឺន សុភា លោកចង់ឲ្យ សុភា ទៅបង្ហាសមត្ថភាពនៅក្រៅប្រទេស និងអាចនាំយកភាពជោគជ័យជូនជាតិ។ ម្យ៉ាងទៀតអ្នកប្រដាល់ល្អកណ្តាប់ដៃរូបនេះអាចទទួលបានបទពិសោធន៍កាន់តែច្រើនពីឆាកអន្តរជាតិ។

ម៉ឺន សុភា បាននិយាយថា ពេលចេញទៅប្រកួតក្រៅប្រទេស ពិតជាអាចទទួលបានបទពិសោធន៍ថ្មីៗ និងឆាប់ល្បីល្បាញថែមទៀត។ ជាពិសេសការប្រកួតនៅក្រៅស្រុកក៏អាចជួយលើកមុខមាត់ក្រុមគ្រួសារ និងប្រទេសជាតិ ព្រមទាំងបានប្រាក់តម្លៃខ្លួនខ្ពស់ទៀតផង។