សាឡាត់ ស្រីឡាង ភ័យផងអរផង ពេលបានសម្តែងជាមួយ Idol
- 2016-10-05 14:11:03
- ចំនួនមតិ 0 | ចំនួនចែករំលែក 0
សាឡាត់ ស្រីឡាង ភ័យផងអរផង ពេលបានសម្តែងជាមួយ Idol
ចន្លោះមិនឃើញ
កញ្ញា សាឡាត់ ស្រីឡាង បានលើកឡើងថានេះជាលើកទី១ ដែលបានសម្តែងរួមគ្នាជាមួយលោក លឹម ជាឡាយ ជា Idol ម្នាក់ដែលនាងស្រឡាញ់ និងគាំទ្ររហូតមក ជាហេតុធ្វើឲ្យនាងមានអារម្មណ៍ភ័យផងអរផង។
“ខ្ញុំមិននឹកស្មានថាបានសម្តែងរួមគ្នាជាមួយបង ជាឡាយ នោះទេបង ព្រោះគាត់ជាIdol របស់ខ្ញុំ នៅពេលសម្តែងជាមួយគាត់ខ្ញុំអញ្ចឹងទៅ ខ្ញុំមានអារម្មណ៍ភ័យផងអរផង រកថាមិនត្រូវ។ រឿងដែលខ្ញុំសម្តែងជាមួយ បងជាឡាយ នេះគឺខ្ញុំ និងគាត់សម្តែងជាតួឯកជាមួយគ្នាតែម្តងទៅបងនៅក្នុងរឿង “ទីបញ្ចប់នៃស្នេហ៍” "។ កញ្ញា សាឡាត់ ស្រីឡាង ថ្លែង។
តួឯកស្រីនៅក្នុងរឿង "ទីបញ្ចប់នៃស្នេហ៍"ខាងលើបន្ថែមថា៖ ទោះបីជាមានអារម្មណ៍ភ័យផងអរផងក្តី នៅពេលសម្តែងជាមួយលោក លឹម ជាឡាយ សំរាប់រូបនាងផ្ទាល់នៅតែអាចសម្តែងបានយ៉ាងរលូនដោយមិនមានផលលំបាក់អ្វីនោះទេ។
ទទួលបានឱកាសសម្ដែងជាមួយ idol ធ្វើឲ្យ សាឡាត់ ស្រីឡាង ភ័យអរល្មមទេ ប៉ុន្តែសម្ដែងឈុតឱបថើបជាមួយទៀត រឹតតែធ្វើឲ្យនាងភ័យខ្លាំង ទប់អារម្មណ៍មិនចង់បាន។ សាឡាត់ ស្រីឡាង ថ្លែងថា "ចាស៎បងនៅក្នុងរឿង "ទីបញ្ចប់នៃស្នេហ៍" មានឈុតឆាក់ឱបថើប ស្នេហាអូនបងជាមួយតួឯកប្រុស ខ្ញុំអៀនខ្លាំងណាស់ នៅពេលដែលដល់ឈុតត្រង់នេះបង"៕
អត្ថបទ៖ ឆុង ស៊ីណាន