ភ្លក់មាន់អាំង វាលរេញ
- 2016-10-05 15:36:05
- ចំនួនមតិ 0 | ចំនួនចែករំលែក 0
ភ្លក់មាន់អាំង វាលរេញ
ចន្លោះមិនឃើញ
មាន់អាំង វាលរេញ គឺជាមុខម្ហូបពេញនិយមមួយរបស់អ្នកស្រុកព្រៃនប់ ខេត្ត ព្រះសីហនុ ជាពិសេសគឺសម្រាប់អ្នកធ្វើដំណើរមកលេងក្រុងព្រះសីហនុ។ មាន់ដែលមកចម្អិននៅទីនេះ គឺជាមាន់ស្រែសុទ្ធសាធ ដែលត្រូវបានចិញ្ចឹមដោយអ្នកស្រុក។
នៅទីនេះមានហាង៣កន្លែង មានលក់មាន់អាំងប្រភេទនេះ ហើយតម្លៃវិញប្រហាក់ប្រហែលគ្នា ប៉ុន្តែរស់ជាតិអាស្រ័យលើថ្វីដៃចុងភៅ។ អ្វីដែលពិសេសនោះ មាន់អាំងវាលរេញ មាន់ទឹកជ្រលក់ជាទឹកត្រីកោះកុង និងមានអន្លក់ជាច្រើនមុខសម្រាប់ផ្ទាប់ជាមួយ។
តាមការឲ្យដឹងពី អ្នកស្រី តូយ ស្រីឡា ម្ចាស់ហាង "មាន់អាំងវាលរេញ" ដែលជាហាងធំជាងគេបានឲ្យដឹងថា មាន់អាំងវាលរេញបានចាប់ផ្ដើមល្បីឈ្មោះជាង៧ឆ្នាំហើយ ដោយដំបូងឡើយមានលក់តែហាងអ្នកស្រី១ប៉ុណ្ណោះ ប៉ុន្តែក្រោយៗមកក៏មានអ្នកភូមិលក់តាមជាបន្តបន្ទាប់។
ម្ចាស់ហាងខាងលើកបានឲ្យដឹងថា ភ្ញៀវដែលយកមកពិសាអាចកុម្ម៉ង់១ចានក៏បាន ឬ កុម្ម៉ង់មាន់១ក្បាលក៏បាន។ ១ចានអាចយកស្លាបមាន់ក៏បានភ្លៅក៏បាន តម្លៃ១១ ០០០រៀល ចំពោះមាន់១ក្បាលវិញ មាន់ធំថ្លៃ៥០ ០០០រៀល មាន់រាងតូចបន្តិចថ្លៃ៤០ ០០០រៀល។ មាន់អាំងវាលរេញ បានលក់ចាប់ពីម៉ោង៩ ព្រឹកដល់ម៉ោង១០យប់។
អត្ថបទ៖ ខុត សីហា