ការបែកបាក់គ្រួសារអាចជាមូលហេតុដែល Martial ធ្លាក់ទម្រង់លេង

2016-10-05 16:12:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Manchester United ព្រួយបារម្ភចំពោះរឿងឯកជនរបស់ Anthony Martial ថាអាចជាមូលហេតុធ្វើឲ្យរូបគេមានទម្រង់លេងធ្លាក់ចុះនៅរដូវកាលនេះ។

ខ្សែបម្រើប្រយុទ្ធសញ្ជាតិបារាំងបានប្ដូរចូលកាលពីថ្ងៃអាទិត្យហើយស៊ុតបញ្ចូលទីគ្រាប់បាល់ដ៏អស្ចារ្យក្នុងការប្រកួតស្មើគ្នា ១-១ ជាមួយ Stoke City តែយ៉ាងណាមិញនេះគឺជាគ្រាប់បាល់ដំបូងប៉ុណ្ណោះរដូវកាលនេះ ក្រោយបង្ហាញខ្លួនបាន៩ប្រកួត។

មូលហេតុរូបគេមិនសូវលេចធ្លោដូចពេលមកកាន់ទឹកដី Old Trafford ដំបូង ត្រូវក្លឹបជើងឯកលីគកំពូលអង់គ្លេស២០សម័យកាល សង្ស័យថាប្រហែលមកពីរឿងរ៉ាវបែកបាក់ជាមួយមិត្តស្រីឈ្មោះ Samantha Jacquelinet បន្ទាប់ពីគូស្នេហ៍ទាំងពីររួមរស់ជាមួយគ្នាជាង៣ឆ្នាំហើយមានកូនស្រីម្នាក់ឈ្មោះ Peyton។

កីឡាករដែលទើបតែបាត់បង់លេខ៩របស់ខ្លួនឲ្យទៅ Zlatan Ibrahimovic បច្ចុប្បន្នកំពុងហ្វឹកហាត់ជាមួយក្រុមជម្រើសជាតិមាន់គកបារាំងត្រៀមការប្រកួតជម្រុះ World Cup ទល់នឹង ប៊ុលហ្គារី និងហូឡង់៕