ប្រាក់ មុន្នីឧត្តម ថា មាន២ចំណុច កម្ពុជាអាចឈ្នះហុងកុងស្អែកបាន
- 2016-10-05 19:05:18
- ចំនួនមតិ 0 | ចំនួនចែករំលែក 0
ប្រាក់ មុន្នីឧត្តម ថា មាន២ចំណុច កម្ពុជាអាចឈ្នះហុងកុងស្អែកបាន
ចន្លោះមិនឃើញ
ប្រាក់ មុន្នីឧត្តម ខ្សែប្រយុទ្ធមុតស្រួចរបស់កម្ពុជា បានលើកឡើងហេតុផល២ចំណុចសំខាន់ៗ ដែលក្រុមគោព្រៃកម្ពុជាអាចនឹងយកឈ្នះក្រុមហុងកុងបាននៅថ្ងៃស្អែកនេះក្នុងការប្រកួតមិត្តភាពអន្តរជាតិ CLEAR វេលាម៉ោង៦:៣០ល្ងាចនៅពហុកីឡដ្ឋានជាតិ។
១. ការត្រៀមខ្លួនយ៉ាងល្អរបស់កម្ពុជា
ប្រាក់ មុន្នីឧត្តម និយាយថា សមាជិកក្រុមទាំងអស់បានត្រៀមខ្លួនរួចហើយសម្រាប់ការប្រកួតនៅថ្ងៃស្អែកនេះ។ ណាមួយការប្រកួតនេះ ក៏អាចជាផលល្អសម្រាប់ការចូលលេងវគ្គជម្រុះ AFF Suzuki Cup នៅពេលខាងមុខ។ ការចេញទៅហ្វឹកហាត់នៅប្រទេសសិង្ហបុរីរយៈ១០ថ្ងៃ និងហ្វឹកហាត់មិនឈប់ឈររបស់កម្ពុជា អាចនឹងធ្វើឱ្យក្រុមទាំងមូលលេងកាន់តែល្អ និងយល់ពីគ្នាកាន់តែច្បាស់ជាងមុនទៅទៀត។
២. លេងនៅទឹកដីកម្ពុជា អំណោយផលច្រើន
ការប្រកួតជើងទី២នេះ ធ្វើឡើងនៅពហុកីឡដ្ឋានជាតិ ជាកន្លែងដែលក្រុមកម្ពុជាស្គាល់ច្បាស់ មិនដូចកាលលេងនៅហុងកុងដែលកីឡាករមួយចំនួននិយាយថា មានសភាពរអិលនោះទេ។ បូករួមជាមួយអ្នកគាំទ្រច្រើនផងនោះ ពួកគេនឹងកាន់តែលេងបានល្អថែមទៀត។
សូមបញ្ជាក់ថា កាលពីជើងទី១ កម្ពុជាចាញ់ក្រុមហុងកុងក្នុងលទ្ធផល ៤-២ ខណៈជើងទី២នេះវិញក្រុមកម្ពុជាមានសង្ឃឹមថានឹងធ្វើបានល្អ។ មួយវិញទៀត ការប្រកួតនេះដើម្បីត្រៀមខ្លួនសម្រាប់កម្ពុជាចូលលេងវគ្គជម្រុះពានរង្វាន់ AFF Suzuki Cup ៕
អត្ថបទ៖ មុន្នី រម្យ រាយការណ៍៖ សុវណ្ណដារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
