Adobe ផ្តល់អាហារូបករណ៍ថា្នក់បរិញ្ញាប័ត្រ សម្រាប់និស្សិតស្រីរៀនជំនាញ IT
- 2016-10-08 14:00:22
- ចំនួនមតិ 0 | ចំនួនចែករំលែក 0
Adobe ផ្តល់អាហារូបករណ៍ថា្នក់បរិញ្ញាប័ត្រ សម្រាប់និស្សិតស្រីរៀនជំនាញ IT
ចន្លោះមិនឃើញ
ក្រុមហ៊ុនល្បីឈ្មោះផ្នែកឌឺហ្សាញ Adobe Inc បានសម្រេចផ្ដល់អាហារូបករណ៍ដល់និស្សិតស្រីរៀនជំនាញវិទ្យាសាស្រ្តកុំព្យូទ័រទូទាំងពិភពលោករួមទាំងប្រទេសកម្ពុជាយើងផងដើម្បីបន្តការសិក្សាថ្នាក់បរិញ្ញាប័ត្រ។
កាលបរិឆ្ឆេទដាក់ពាក្យ និងឈប់ទទួលពាក្យ
កម្មវិធីអាហារូបករណ៍ Adobe Research Women in Technology នេះចាប់ទទួលពាក្យពីថ្ងៃនេះរហូតដល់ថ្ងៃ ៣១ ខែតុលា ឆ្នាំ២០១៦។
របៀបនៃការដាក់ពាក្យ
បេក្ខជនដែលមានបំណងចង់ដាក់ពាក្យ ត្រូវបំពេញសំណុំបែបបទតាមរយៈអនឡាញ នៅទីនេះ
លក្ខខណ្ឌនៃអាហារូបករណ៍
-ជានិស្សិតស្រីសិក្សាជំនាញIT ឬវិទ្យាសាស្រ្តកុំព្យូទ័រ
-មាន GPA ខ្ពស់ចាប់ពី 3.0ឡើងទៅ
-ត្រូវភ្ជាប់មកជាមួយសំណេររៀបរាប់ពីការប្តេជ្ញាចិត្តផ្ទាល់ខ្លួន Personal Statement
-ត្រូវភ្ជាប់មកជាមួយប្រវត្តិរូបសង្ខេប ព្រឹត្តិប័ត្រពិន្ទប្រចាំឆ្នាំ
-ត្រូវមានអ្នកធានា(References)ចំនូនបីអ្នក
-ត្រូវធ្វើវីដេអូយ៉ាងខ្លីត្រឹម ១នាទីនិយាយពីការងារក្នុងក្ដីស្រម៉ៃភ្ជាប់ជាមួយ CV។
អត្ថប្រយោជន៍នៃអាហារូបករណ៍
-ទទួលបានទឹកប្រាក់លើកទឹកចិត្ត ១០ ០០០ដុល្លារ
-ទទួលបានឧកាសក្លាយជាសមាជិកពេញមួយឆ្នាំសម្រាប់ការប្រើប្រាស់ Adobe Creative Cloud
-ទទួលបានឧកាសក្លាយជាអ្នកណែនាំក្នុងកម្មវិធីអាហារូបករណ៍ Adobe Research នៅឆ្នាំបន្ទាប់
-និងមានឧកាសក្លាយជាបុគ្គលិកហាត់ការ(Internship) នៅក្នុងក្រុមហ៊ុន Adobe។
ដំណើរការនៃការជ្រើសរើស
គណៈកម្មការនៃកម្មវិធីអាហារូបករណ៍ Adobe Research នឹងធ្វើការត្រួតពិនិត្យសំណុំបែបបទគ្រប់បេក្ខជនទាំងអស់និងចុងក្រោយជ្រើសរើសយកបេក្ខជនដែលមានព្រឹត្តិប័ត្រពិន្ទប្រចាំឆ្នាំល្អ មានសំណេររៀបរាប់ពីការប្តេជ្ញាចិត្តផ្ទាល់ខ្លួន (Personal Statement) ជាភាសាអង់គ្លេសបានល្អ និងមានលិខិតបញ្ជាក់ពីគ្រូ (Recommendation Letters) ចំនួនបីរូប។
បញ្ជាក់៖ លទ្ធផលបេក្ខជនដែលត្រូវបានជ្រើសរើសយកនឹងត្រូវប្រកាសនៅថ្ងៃទី ១៥ ខែធ្នូ ឆ្នាំ២០១៦។
អត្ថបទ៖ រក្សា
ប្រភព៖ Adobe