ឃើញទិដ្ឋភាពទាំងនេះ នឹងធ្វើឲ្យអ្នកចង់ទៅលេងតាតៃកាន់តែខ្លាំង
- 2016-10-12 15:58:46
- ចំនួនមតិ 0 | ចំនួនចែករំលែក 0
ឃើញទិដ្ឋភាពទាំងនេះ នឹងធ្វើឲ្យអ្នកចង់ទៅលេងតាតៃកាន់តែខ្លាំង
ចន្លោះមិនឃើញ
ទឹកជ្រោះតាតៃ កោះអណ្ដែត កោះសាឡៅ តំបន់ព្រះអាទិត្យរៀបលិច ព្រៃកោងកាង ការដើរកម្សាន្តព្រៃជាដើម គឺជាសក្ដានុពលដែលមាននៅរមណីយដ្ឋានអេកូទេសចរណ៍តាតៃ ដែលស្ថិតក្នុងទឹកដី ខេត្តកោះកុង ជាខេត្តមានសក្ដានុពលទេសចរណ៍ធម្មជាតិមួយរបស់កម្ពុជា។
ប្រសិនបើធ្វើដំណើរពីភ្នំពេញត្រូវឆ្លងកាត់ផ្លូវ ២៧០គីឡូម៉ែត្រ នោះលោកអ្នកនឹងទៅដល់តំបន់ទេសចរណ៍ តាតៃ ហើយប្រសិនបើធ្វើដំណើរពីទីរួមខេត្ត កោះកុងវិញនោះ មានចម្ងាយប្រហែល១៨គីឡូម៉ត្រ។
តាមការឲ្យដឹងពីលោក ដាត ពិសិដ្ឋ អ្នកគ្រប់គ្រងទូទៅ សណ្ឋាគារតាតៃ រីសត បានឲ្យដឹងថារមណីយដ្ឋានអេកូទេសចរណ៍តាតៃ បានបើកដំណើរការក្នុងឆ្នាំ២០១៤ ដោយគ្របដណ្ដប់ផ្ទៃដីជាង៤ពាន់ហិតា។ នៅទីនេះមានកន្លែងដើរលេងជាច្រើន ក្នុងនោះ មានដូចជា ទឹកជ្រោះ តាតៃ កោះអណ្ដែត កោះសាឡៅ តំបន់ព្រះអាទិត្យរៀបលេច ព្រៃកោងកាង ការដើរកម្សាន្តព្រៃជាដើម ។
ភ្ញៀវទេសចរណ៍ដែលចង់មកទស្សនានៅទីនេះ ភាគច្រើន ត្រូវជ្រើសរើសសេវាជិះទូក ត្បិតអីនៅតំបន់នេះមិនមានផ្លូវល្អនោះឡើយ ម្យ៉ាងទៅកន្លែងកម្សាន្តមួយទៅកន្លែងកម្សាន្តមួយមានចម្ងាយឆ្ងាយពីគ្នា ជម្រើសជិះទូក អាចទស្សនាទេសភាព ។ ចំពោះតម្លៃនៃ ការជិះទូកនោះថ្លៃខុសៗគ្នាទៅ តាមកន្លែងនីមួយៗ។
លោក ដាត ពិសិដ្ឋ បានប្រាប់ថា ជាមធ្យមនៅ រមណីយដ្ឋានអេកូទេសចរណ៍តាតៃ អាចទាក់ទាញភ្ញៀវទេសចរណ៍ចន្លោះ២០០០ ទៅ ៣០០០ នាក់ ក្នុងមួយខែ។
សូមស្ដាប់ការរៀបរាប់របស់ លោក ដាត ពិសិដ្ឋ អ្នកគ្រប់គ្រងទូទៅ សណ្ឋាគារតាតៃ រីសត ស្ដីពីសក្ដានុពល រមណីយដ្ឋានអេកូទេសចរណ៍តាតៃ ដែលមាន និង សេវា ផ្សេងទៀត៕
អត្ថបទ៖ ខុត សីហា