ឆ្នេរកោះយ៉រ ខែវស្សាអួរអាប់ខ្សត់ភ្ញៀវមកលេង
- 2016-10-18 22:06:33
- ចំនួនមតិ 0 | ចំនួនចែករំលែក 0
ឆ្នេរកោះយ៉រ ខែវស្សាអួរអាប់ខ្សត់ភ្ញៀវមកលេង
ចន្លោះមិនឃើញ
ភ្លៀងបានបង្អុរចុះឥតដាច់គ្រាប់ នៅឆ្នេរកោះយ៉របរិយាកាសមានសភាពអួរអាប់ ធម្មជាតិក៏មិនសូវស្រស់បំព្រង។ ងាកមកភ្ញៀវទេសចរក៏មិនសូវមកកម្សាន្តច្រើន តាមខ្ចុះអង្គុយមានភាពស្ងាត់ជ្រងំ។ នេះជាទិដ្ឋភាពដែលក្រុមការងារ "ផ្លូវទៅស្រុក" សង្កេតឃើញ នៅពេលធ្វើដំណើរមកខេត្តកោះកុង សម្រាប់ការស្វែងរកព័ត៌មាននៅខេត្តសមុទ្រជាប់ព្រំដែនថៃនេះ។
អាជីវករបម្រើសេវាលក់ម្ហូបអាហារមួយរូបប្រាប់ក្រុមការងារ "ផ្លូវទៅស្រុក" ថា ខែវស្សាឆ្នេរកោះយ៉រមិនសូវមានភ្ញៀវមកលេងច្រើនទេ ដោយសារទឹកសមុទ្រមានភាពល្អក់កករ មានរលកធំៗពិបាកឲ្យភ្ញៀវចុះហែលទឹកលេងកម្សាន្ត។
អាជីវកររូបនេះបន្តថា នៅឆ្នេរកោះយ៉រចំមុខខ្យល់ តែងតែមានខ្យល់បក់ខ្លាំងៗនៅខែវស្សា។ ប៉ុន្តែចាប់ពីខែវិច្ឆិកា ទើបឆ្នេរមានភាពសភាពស្រស់ស្អាត ទឹកក៏ស្អាតថ្លា ភ្ញៀវក៏ចាប់ផ្តើមមកកម្សាន្តច្រើន។
អត្ថបទ៖ ប៊ុណ្ណារ៉ា