សម្ដីបំផុសគំនិតឲ្យហ៊ានរកស៊ីរបស់បុគ្គលល្បីៗទាំង ៥រូប

2016-10-18 18:52:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ការចាប់ផ្ដើមបើករបរកស៊ីផ្ទាល់ខ្លួន អាចជាដំណើរផ្សងព្រេងដ៏គ្រោះថ្នាក់មួយ ព្រោះវាមិនត្រឹមតែធ្វើឲ្យលោកអ្នកចំណាយពេលវេលាយូរ ដើមទុន និងកម្លាំងកាយចិត្តច្រើននោះទេ ការវិនិយោគទាំងនេះនឹងធ្វើឲ្យលោកបាត់បង់របស់ទាំងអស់ខាងលើ បើដើរខុស។

មើលឃើញឧបសគ្គ និងការរាថយរបស់អ្នកចង់រកស៊ី ឬអ្នកកំពុងជួបបរាជ័យបែបនេះហើយ ទើបបុគ្គលល្បីៗកើតចេញពីភាពបរាជ័យខាងក្រោម បាននាំយកឃ្លាមួយចំនួន ក៏ដូចជាបទពិសោធន៍ខ្លួនសម្រាប់ត្រិះរិះពិចារណាទាំងអស់គ្នា ដើម្បីជាស្ពានទទួលបានជោគជ័យដូចពួកគាត់សព្វថ្ងៃ។

១. Steve Jobe៖ អតីតសហស្ថាបនិកក្រុមហ៊ុន Apple (ស្លាប់នៅឆ្នាំ ២០១១)

“នៅពេលអ្នកធំឡើង អ្នកត្រូវគេប្រាប់ថាពិភពលោក គឺជារបស់ម្យ៉ាងអ្នកកំពុងរស់នៅ ហើយអ្នកមិនត្រូវបណ្ដែតបណ្ដោយខ្លួនតាមវានោះទេ។ សូមព្យាយាមបង្កើតគ្រួសារមួយឲ្យល្អ មានភាពសប្បាយរីករាយច្រើន និងលុយកាក់សមរម្យ។ ជីវិតរបស់អ្នកនឹងមានភាពប្រសើរ ប្រសិនបើអ្នកបានរកឃើញរបស់សាមញ្ញសំខាន់មួយ គឺយកភាពប៉ិនប្រសព្វរបស់អ្នកមកប្រើ។ មនុស្សជុំវិញខ្លួនអ្នក មិនវ័យឆ្លាតជាងអ្នកប៉ុន្មានទេ អ្នកអាចផ្លាស់ប្ដូរ និងធ្វើឲ្យខ្លួនឯងមានឥទ្ធិពលលើពួកគេបាន។ អ្វីដែលអ្នកត្រូវការ គឺមហិច្ឆតា និងជំនឿជាក់លើខ្លួនឯង អ្នកអាចធ្វើអ្វីៗបានទាំងអស់ បើអ្នកពិតជាចង់"។

២. Jeff Bezos៖ នាយកប្រតិបត្តិរបស់ Amazon

នៅពេលយើងធ្វើអ្វីមួយ ត្រូវធ្វើឲ្យអស់ពីសមត្ថភាពរបស់ខ្លួនដោយមិនរង់ចាំមានសម្ពាធពីខាងក្រៅទើបយើងព្រមធ្វើនោះទេ។ Jeff Bezos ចង់ធ្វើអ្វីប្លែកគេ ដែលមនុស្សទូទៅមិនហ៊ានធ្វើ។ ពេលក្រុមហ៊ុនដទៃដំឡើងតម្លៃទំនិញ Amazon រកវិធីសាស្ត្រលក់ទំនិញរបស់ខ្លួនឲ្យបានតម្លៃទាប។ ពេលក្រុមហ៊ុនផ្សេងកំពុងតែរីករាយនឹងស្ថានភាពពួកគេបច្ចុប្បន្ន Amazon ប្រឹងច្នៃប្រឌិត ស្វះស្វែងរកផ្លូវធ្វើឲ្យខ្លួនកាន់តែប្រសើរជាងមុន។ ការទទួលបានជោគជ័យរបស់ CEO រូបនេះ គឺផ្ដោតសំខាន់ទៅលើតម្រូវការរបស់អតិថិជន ហើយយកចិត្តទុកដាក់តិចតួចលើការប្រកួតប្រជែងជាមួយដៃគូផ្សេងៗ។

៣. Larry Page៖ សហស្ថាបនិកក្រុមហ៊ុន Google

លោក Larry Page រៀនទម្លាប់យកប៊ិច និងកូនសៀវភៅតាមខ្លួនជានិច្ច ដូច្នេះពេលលោកនឹកឃើញគំនិតល្អណាមួយ លោកកត់ទុកភ្លាម។ ពេលលោកស្រមៃចង់ធ្វើជាអ្វី លោកខ្នះខ្នែងប្រឹងបង្កើតឱកាស និងចាប់យកឲ្យបាន ទោះយូរ ឬឆាប់។ លោកនិយាយថា "គ្រប់គ្នានឹងមិនអាចធ្វើឲ្យសុបិនក្លាយជាការពិតឡើយ បើពួកគេគ្រាន់តែគេងហើយសុបិននោះ ដូច្នេះក្រោយសុបិនអ្នកត្រូវក្រោក ហើយឈោងចាប់សុបិនឲ្យអស់ពីសមត្ថភាពរបស់ខ្លួនមាន"។

៤. Bill Gates៖ សហស្ថាបនិកក្រុមហ៊ុន Microsoft

“ប្រសិនបើអ្នកមិនអាចជួលបុគ្គលិកពូកែៗឲ្យធ្វើការក្នុងក្រុមហ៊ុនរបស់អ្នកទេ នោះក្រុមហ៊ុននឹងងាយដួលរលំ ឬក្លាយជាក្រុមហ៊ុនធម្មតា។ ភាពភ័យខ្លាចនឹងនាំផ្លូវអ្នក ហើយខ្ញុំតែងតែចាត់ទុកភាពបរាជ័យជាមូលដ្ឋានគ្រឹះ"។

៥. Mark Zuckerberg៖ ស្ថាបនិក Facebook

លោកបានរកឃើញវិធីបើកជំនួញប្រកបដោយជោគជ័យ គឺត្រូវស្វែងរកបញ្ហា និងព្យាយាមដោះស្រាយបញ្ហា។ Mark និយាយថា "ប្រសិនបើអ្នកចាប់ផ្ដើមដោយការស្វែងរកលុយជាធំ មិនយូរមិនឆាប់អ្នកនឹងបរាជ័យមិនខាន"៕