នរណាថា អ្នកកំពង់ឆ្នាំងអត់ហូបម្អម ឥឡូវគេពេញនិយមសឹងអី
- 2016-10-19 16:50:43
- ចំនួនមតិ 0 | ចំនួនចែករំលែក 0
នរណាថា អ្នកកំពង់ឆ្នាំងអត់ហូបម្អម ឥឡូវគេពេញនិយមសឹងអី
ចន្លោះមិនឃើញ
កាលពីមុនមក ធ្លាប់ឮគេនិយាយតៗគ្នាថា អ្នកកំពង់ឆ្នាំងមិនហូបម្អមទេ ដោយសារគិតថាវាជាប់នឹងអប្បិយជំនឿដែលម្អមជារោមយោនីរបស់នាងកង្រី ជាមហេសីរបស់ព្រះពុទ្ធិសែន។ ការជឿដូច្នេះគឺស្របពេលដែលនៅចង្កេះភ្នំកង្រីនោះ មានម្អមដុះច្រើនណែនតាន់តាប់តែម្ដង ទើបគេដំណាលថាអ្នកស្រុកនៅទីនេះ មិនបរិភោគតែម្ដង។
ទោះយ៉ាងណា នៅពេលក្រុមការងារ«ផ្លូវទៅស្រុក»បានមកដល់ និងជួបសម្ភាសន៍ផ្ទាល់ជាមួយអ្នកស្រុកនៅតំបន់នេះ គឺសបញ្ជាក់យ៉ាងច្បាស់ថាវាមិនពិតនោះទេ ពោលគឺប្រជាជននៅតំបន់នេះបរិភោគធម្មតា ហើយសម្លភាគច្រើនដាក់ម្អមទៀតផង ដើម្បីឱ្យមានរសជាតិឈ្ងុយឆ្ងាញ់។
អ្នកបើកបរទូកម្នាក់ដែលជូនក្រុមការងារ ផ្លូវទៅស្រុកជិះ ជុំវិញភ្នំនាងកង្រី តែសុំមិនបញ្ចេញឈ្មោះបាននិយាយដូច្នេះថា៖ “បងអើយ ណុងគ្រាន់តែរឿងគេនិយាយតៗគ្នាទេ តែជាក់ស្ដែងទៅគេហូបគ្រប់គ្នាហ្នឹង។ សូម្បីតែខ្ញុំក៏ហូបដែរ។ មិនជឿបងឯងដើរសួរគេ ផ្សេងទៅ ដូចតែគ្នាហ្នឹង”។
ឆ្លើយដូចគ្នានេះដែរ លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំងផ្ទាល់ បាននិយាយទាំងអស់សំណើចថា រឿងអ្នកកំពង់ឆ្នាំងមិនហូបម្អមនោះ មិនពិតនោះទេ ពោលគឺគេហូបធម្មតាដូចអ្នកស្រុកដទៃទៀតដែរ៕
អត្ថបទ៖ មុន្នី រម្យ