ឈិន ឈឿន «ប្រកួតចុងក្រោយរបស់កម្ពុជាអត់ទម្លាក់ជើងទេ»
- 2016-10-20 23:51:22
- ចំនួនមតិ 0 | ចំនួនចែករំលែក 0
ឈិន ឈឿន «ប្រកួតចុងក្រោយរបស់កម្ពុជាអត់ទម្លាក់ជើងទេ»
ចន្លោះមិនឃើញ
ខ្សែបម្រើឆ្នើមរបស់ជម្រើសជាតិកម្ពុជា ឈិន ឈឿន ប្រកួតចុងក្រោយរបស់កម្ពុជាក្នុងវគ្គជម្រុះ AFF Suzuki Cup 2016 ប៉ះទីម័រខាងកើតនោះកម្ពុជាមិនទុកជើងឬទម្លាក់ការប្រកួតនោះទេនៅថ្ងៃស្អែកនេះ។
កីឡាករ ឈិន ឈឿន ខាងឆ្វេង
ខ្សែបម្រើឆ្នើមដែលមានមុខស្ទើរគ្រប់ការប្រកួត ឈិន ឈឿន បានឲ្យ Sabay ដឹងថា ស្អែកជាការប្រកួតចុងក្រោយរបស់ក្រុមទាំង៤ដែលចូលរួមជម្រុះ Suzuki Cup ២០១៦។ កម្ពុជានឹងត្រូវប៉ះជាមួយក្រុមជម្រើសជាតិ ទីម័រខាងកើត ក្នុងជំនួបចុងក្រោយ។
ក្រុមជម្រើសជាតិកម្ពុជា
កីឡាករឆ្នើមរូបនេះនិយាយថា ទោះជាកម្ពុជាមាន៦ពិន្ទុក្នុងដៃ ហើយប្រកួតត្រឹមស្មើក៏ឡើងដែរនោះ ប៉ុន្តែកម្ពុជានឹងខំប្រឹងប្រកួតឲ្យអស់សមត្ថភាពដូចប្រកួតមុនៗ។ មិនទម្លាក់ជើងឬបន្ធូរបន្ថយឲ្យដៃគូនោះទេ បើមានឱកាសរកគ្រាប់បាល់បានគឺរកហើយ។ កីឡាករទាំងអស់ត្រូវតែលេងឲ្យអស់ដូចរាល់ដងដើម្បីបញ្ជាក់ឲ្យគេឃើញថា វិស័យបាល់ទាត់កម្ពុជាពិតជាមានការរីកចំរើនមែន។
ក្រុមជម្រើសជាតិ ទីម័រខាងកើត
ឈិន ឈឿនថា មិនថាទម្រង់លេង បច្ចេកទេស ការហ្វឹកហាត់និងឆន្ទៈនោះទេ ឥឡូវកម្ពុជាសុទ្ធតែមាន ជាពិសេសក៏ចង់តបស្នងដល់អ្នកគាំទ្របាល់ទាត់របស់កម្ពុជាដែលពួកគាត់តែងតែមកគាំទ្រជានិច្ចជាកាលមិនថាក្ដៅឬត្រជាក់នោះទេ។
សម្រាប់២ប្រកួតកន្លងមករបស់កម្ពុជាក្នុងវគ្គជម្រុះ Suzuki Cup 2016 នេះគឺឈ្នះទាំង២ប្រកួត មាន៦ពិន្ទុ ដោយប្រកួតទី១ យកឈ្នះ ក្រុមឡាវ ២-១ និងប្រកួតទី២ យកឈ្នះ ក្រុមប្រ៊ុយណេ ៣-០។ ចំពោះការប្រកួតស្អែកនេះត្រូវប៉ះក្រុមទីម័រ ជាប្រកួតទី៣និងជាប្រកួតចុងក្រោយរបស់កម្ពុជាផងដែរ៕
អត្ថបទ៖ នួន ស៊ីណា