G-Devith ស្លាប់ទៅបិទភ្នែកជិត បើសម្រេចបំណងប្រាថ្នាចុងក្រោយបាន
- 2016-10-21 14:07:37
- ចំនួនមតិ 0 | ចំនួនចែករំលែក 0
G-Devith ស្លាប់ទៅបិទភ្នែកជិត បើសម្រេចបំណងប្រាថ្នាចុងក្រោយបាន
ចន្លោះមិនឃើញ
មនុស្សម្នាក់ៗតែងមានបំណងប្រាថ្នារៀងៗខ្លួន អ្នកខ្លះចង់បានបែបនេះ ខ្លះទៀតចង់បានបែបនោះ សម្រាប់តារាចម្រៀងក្នុងស្រទាប់យុវវ័យ ងួន ចាន់ដេវីត វិញលោកបានបង្ហើបក្តីប្រាថ្នា៥យ៉ាង ដែលលោកប៉ង ក្នុងនោះមានបំណងប្រាថ្នាចុងក្រោយធំបំផុតមួយ បើបានសម្រេចមែនគេថាពេលស្លាប់ទៅបិទភ្នែកជិតហើយ។
តោះមកតាមដាន បំណងប្រាថ្នាទាំង៥ របស់ ងួន ចាន់ដេវីត ខាងក្រោម៖
បំណងប្រាថ្នាទី៥ ធំបំផុតនោះគឺ៖ លោកចង់អោយសិល្បៈខ្មែរ បោះជំហានឈានទៅមុខ ដើម្បីឆ្ពោះទៅកាន់ឆាកអន្តរជាតិ ដែលឥឡូវនេះ ដេវីត ថាសិល្បៈខ្មែរកំពុងតែឆ្ពោះទៅមុខស្រាប់ហើយ ហើយអ្វីដែលលោកចង់បានគឺការលើកទឹកចិត្តនឹងគាំទ្រនៅសិល្បៈចម្រៀងថ្មី មិនថាប្រភេទចម្រៀងបែបណា សំខាន់គឺការលើកទឹកចិត្ត បើសិនជាសិល្បៈខ្មែរមានមុខមាត់ក្រោកឈរបង្ហាញបរទេសបាន លោកថាស្លាប់ទៅបិទភ្នែកជិតហើយ ។
បំណងប្រាថ្នាទី៤៖ ដេវីត ថាចង់ជួយអោយមិត្តភ័ក្ដិលោកម្នាក់ដែលជិតដិតបំផុតឆាប់បានសម្រេចបំណងប្រាថ្នាដ៏ធំរបស់គេ គឺ ការប្រពន្ធ។
បំណងប្រាថ្នាទី៣៖ ម្ចាស់បទ "បុរសម្នាក់នេះចេះឈឺចាប់ហើយ" ចង់មានហាង កាហ្វេ និង ហាង fashion ១។
បំណងប្រាថ្នាទី២៖ លោកថាចង់បានផ្ទះផ្ទាល់ខ្លួនពីរកន្លែង មួយនៅភ្នំពេញ មួយនៅកំពង់សោម។
បំណងប្រាថ្នាទី១៖ ដេវីត នឹងអោយប្អូនស្រីខ្លួនរៀនរហូតចប់ចុងចប់ដើម នឹងរហូតដល់នាងទទួលបានការងារដ៏ល្អមួយ។
ក្នុងនោះតារាមានស្រុកកំណើតមកពីខេត្តបាត់ដំបងរូបនេះ បញ្ជាក់ទៀតថាក្នុងចំណោមក្ដីស្រមៃទាំង៥នេះ ទោះលោកមិនបានរាប់បញ្ចូលក្រុមគ្រួសារ ប៉ុន្តែវាជាភារកិច្ចដែលលោកត្រូវបំពេញសម្រាប់ពួកគេជាពិសេសប្អូនស្រីនិងអ្នកម្តាយ។ យ៉ាងណាក៏ដោយ បំណងប្រាថា្នទាំង ៥ ទើបតែសម្រេចបានតិចតួចប៉ុណ្ណោះ តែលោកនឹងព្យាយាម សម្រាប់ជីវិតមួយនេះ៕
អត្ថបទ៖ ថា ម៉ាលីដា