ហ្វីលីពីនជួបកំពូលព្យុះ Haima ស្លាប់៤នាក់ និងជម្លៀសរាប់ម៉ឺននាក់
- 2016-10-21 00:29:40
- ចំនួនមតិ 0 | ចំនួនចែករំលែក 0
ហ្វីលីពីនជួបកំពូលព្យុះ Haima ស្លាប់៤នាក់ និងជម្លៀសរាប់ម៉ឺននាក់
ចន្លោះមិនឃើញ
Haima ជាកំពូលព្យុះទីហ្វុងខ្លាំងជាងគេបំផុតក្នុងរយៈពេល៣ឆ្នាំនេះ ក្នុងប្រទេសហ្វីលីពីន ដែលបណ្ដាលឲ្យដួលរលំផ្ទះសម្បែង កាត់ផ្ដាច់អគ្គិសនី ស្លាប់មនុស្សយ៉ាងហោច៤នាក់ និងមនុស្សរាប់ម៉ឺននាក់ត្រូវជម្លៀស។
ព្យុះប្រភេទ៥ នេះ បានបក់បោកក្នុងល្បឿន ២២៥គីឡូម៉ែត្រក្នុងមួយម៉ោងនៅទីក្រុង Ilagan ភាគខាងជើងប្រទេស ព្រឹកថ្ងៃព្រហស្បតិនេះ និងបានធ្វើដំណើរឆ្ពោះទៅកាន់ឆ្នេរសមុទ្រខេត្ត Cagayan។ សាលារៀន ការិយាល័យមន្ត្រីរដ្ឋជាច្រើនត្រូវបានបិទ និងជើងហោះហើរមួយចំនួនត្រូវលុបចោល។
Haima គឺជាព្យុះទីហ្វុងទី១២ ដែលបានវាយប្រហារហ្វីលីពីនក្នុងឆ្នាំ២០១៦។ បើគិតជាមធ្យមព្យុះចំនួន ២០ បានបោកបក់ឆ្លងកាត់ហ្វីលីពីនក្នុងឆ្នាំនេះ។ ព្យុះ Haima ស្រដៀងទៅនឹងកំពូលព្យុះ Haiyan កាលពីឆ្នាំ ២០១៣ ដែលបានឆក់យកជីវិតពលរដ្ឋហ្វីលីពីនចំនួន ៧ ៣៥០នាក់៕
ប្រែសម្រួល៖ ឡេង ភារុណ ប្រភព៖ News.abs-cbn
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
