ទេពឥន្ទ្រីសេនាក្លាហាន (ភាគទី៦៦)

2016-10-23 13:30:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាគទី៦៦

កួកឆេងថា៖ «មកពីម្ចាស់កោះនេះបានហៅខ្ញុំបាទមក!» តានោះបើកភ្នែកក្រឡង់សួរបញ្ជាក់ថា៖ «វាហៅឯងមកទីនេះធ្វើអ្វី? ចូរនិយាយឆាប់ឡើង!» កួកឆេងជម្រាបដោយស្មោះត្រង់ថា៖ «ខ្ញុំបាទមានកំហុសមួយយ៉ាងធំ ចំពោះម្ចាស់កោះ ទើបសុខចិត្តមកស្លាប់នៅទីនេះ។ តានោះខមដាក់កួកឆេង គំហកថា៖ «ឯងមិនកុហកអញទេណា៎!»

កួកឆេងឱបដៃឱនក្បាលជម្រាបដោយគោរពថា៖ «ខ្ញុំបាទធ្វើម្ដេចនឹងហ៊ានកុហកលោកម្ចាស់។» តានោះពេញចិត្តណាស់ គាត់ងក់ក្បាល២-៣ដង ហើយអង្គុយដោយប្រាប់ទៅកួកឆេងថា៖ «ល្អណាស់! ក្នុងជីវិតនេះ អញចូលចិត្តតែអ្នកនិយាយត្រង់ចូរឯងអង្គុយជិតអញមក។» កួកឆេងអង្គុយតាមបញ្ជារបស់លោកតានោះដោយលែងក្រែងរអែង ហើយសង្កេតឃើញលោកតាអង្គុយលើគំនរថ្មមួយ ពាក់អាវផាយវែង ពីក្រោយខ្នងគាត់លេចធ្លោឡើងនូវដុំថ្មស្រួចរលែមជាច្រើននៅពីមុខវិញមានចងខ្សែសន្ធឹងខ្វាត់ខ្វែង កួកឆេងឆ្ងល់ថា មិនដឹងខ្សែនោះជាអ្វីម្ដេចក៏អាចមានអានុភាពឃារខាំងតានេះបាន? តានោះបន្លឺវាចាសួរទៅថា៖ «ក្រៅពីម៉ាយីបានបង្រៀនឯងនូវវិធីចម្រើនកម្លាំងនោះ តើមាននរណាបង្ហាត់ឯងនូវពិធីនេះទៀតដែរ?»

កួកឆេងឆ្លើយថា៖ «បាទ! មានតែលោកតាម្រាមដៃ៩ ហុងឈីកុង…» តានោះកាត់សម្ដីកួកឆេងថា៖ «ហុងឈីកុងក៏បានបង្រៀនគុនឯងដែរឬ?» កួកឆេងឆ្លើយថា៖ «លោកគ្រូហុងឈីកុងបានបង្រៀនខ្ញុំបាទ នូវស្នៀតគុនវាយនាគ១៨ស្នៀត។» លោកតាសួរទៀតថា៖ «បានសេចក្ដីហុងឈីកុងបានបង្រៀនពិធីចម្រើនកម្លាំងកាយមែនឬទេ?» កួកឆេងងក់ក្បាលដោយគោរព ជាសញ្ញាថាមែន!

ចុចអានបន្ត...