តើរបាំបេះផ្លែក្រវាញបង្កើតថ្មីក្នុងឆ្នាំណា?
- 2016-10-21 23:56:07
- ចំនួនមតិ 0 | ចំនួនចែករំលែក 0
តើរបាំបេះផ្លែក្រវាញបង្កើតថ្មីក្នុងឆ្នាំណា?
ចន្លោះមិនឃើញ
របាំបេះផ្លែក្រវាញ ឬហៅខ្លីថា របាំបេះក្រវាញ គឺជារបាំច្នៃថ្មី ដោយសិក្សាចេញពីជីវភាពរស់នៅរបស់ប្រជាជនជនជាតិព័រ និង ជង រស់នៅភ្នំក្រវាញ។ តើប្រិយមិត្តដឹងថា របាំនេះ បង្កើតថ្មីក្នុងឆ្នាំណាទេ?
របាំនេះរកឃើញក្នុងឆ្នាំ ១៩៨៦ ហើយទទួលស្គាល់ផ្លូវការដោយរដ្ឋាភិបាលក្នុងឆ្នាំ ១៩៨៧។ នេះបើតាមការប្រាប់ឲ្យដឹងពី លោក ម៉ៅ សោភាណ្ឌ អតីតប្រធានមន្ទីរវប្បធម៌ និង វិចិត្រសិល្បៈ ខេត្តពោធិ៍សាត់ បានប្រាប់ក្រុមការងារ"ផ្លូវទៅស្រុក" កាលពីថ្ងៃទី ១៩ ខែតុលា កន្លងទៅនេះ។
អតីតប្រធានមន្ទីរវប្បធម៌ខេត្ត និង ជាអ្នកស្រាវជ្រាវចងក្រង និង បង្ហាត់នូវរបាំបេះផ្លែក្រវាញរូបនេះ បានមានប្រសាសន៍ថា ក្រុមការងារបានសិក្សាជាច្រើនពីចរិតលក្ខណៈរបស់ជនជាតិព័រ និង ជង ដែលជនជាតិទាំងនេះប្រើជីវិតពឹងអាស្រ័យផលលើការបេះផ្លែក្រវាញ ដែលធ្វើឲ្យក្រុមការងារអាចបង្កើតបានជារបាំមួយ ដាក់ឈ្មោះថា "របាំបេះផ្លែក្រវាញ"។ របាំនេះគឺរកឃើញថ្មីនៅទសវត្ស ៨០ បន្ទាប់ពីរបាំក្ងោកពោធិ៍សាត់ រកឃើញនៅសម័យសង្គមរាស្ត្រនិយម៕
អត្ថបទ៖ ប៊ិន ប៊ុណ្ណា