KHM Champions League ចាប់ផ្តើមរដូវកាលថ្មី បង្ហាញគោលដៅ២
- 2016-10-25 18:03:02
- ចំនួនមតិ 0 | ចំនួនចែករំលែក 0
KHM Champions League ចាប់ផ្តើមរដូវកាលថ្មី បង្ហាញគោលដៅ២
ចន្លោះមិនឃើញ
បន្ទាប់ពីទទួលបានជោគជ័យនៅរដូវកាលទី១ ពានរង្វាន់បាល់ទាត់មិនអាជីព KMH Champions League ចាប់ផ្ដើមរដូវកាលទី២ហើយដែលការប្រកួតបើកឆាកកាលពីល្ងាចថ្ងៃសៅរ៍កន្លងទៅ និងបង្ហាញគោលបំណងសំខាន់២ដើម្បីវិស័យបាល់ទាត់កម្ពុជា។
លោក កាំង សេន
បើតាមការឲ្យដឹងពីលោក កាំង សេន ជាអ្នករៀបចំការប្រកួតដែលបានថ្លែងក្នុងកម្មវិធីបើកការប្រកួត KMH Champions League បានឲ្យដឹងថា កម្មវិធីប្រកួតបាល់ទាត់ពាក់កណ្ដាលអាជីពនេះបង្កើតឡើងមានគោលបំណងពីរគឺទី១ KMH Champions League ចង់ចូលរួមជំរុញវិស័យបាល់ទាត់កម្ពុជាឲ្យកាន់តែរីកចំរើននិងសំបូរបែប ហើយទី២ ចង់ចូលរួមជាមួយកីឡាករទាំងអាជីពនិងមិនអាជីពដើម្បីធ្វើអ្វីដែលរីកចំរើនដល់សង្គមជាតិ។
ក្រុមនិមួយៗឈរក្នុងកម្មវិធីបើ់កការប្រកួត
អ្នករៀបចំរូបនេះលើកឡើងទៀតថា ដោយមានការចាប់អារម្មណ៍ពីមហាជនក៏ដូចជាបណ្ដាក្រុមហ៊ុនឧបត្ថម្ភទើប KMH Champions League បង្កើនប្រាក់រង្វាន់កាន់តែច្រើនជាងមុន។ សម្រាប់ជើងឯកពាន KMH Champions League នឹងទទួលបានប្រាក់រង្វាន់ដល់ទៅ១ម៉ឺនដុល្លារអាមេរិក និងជើងឯកពាន KHM Cup នឹងទទួលបានប្រាក់រង្វាន់ ៥ពាន់ដុល្លារអាមេរិក។
ក្នុងឱកាសបើកនោះដែរ លោក កាំង សេន បានសំណូមពរឲ្យកីឡាករទាំងអស់ខិតខំប្រឹងប្រែងប្រកួតឲ្យអស់ពីសមត្ថភាព និងធ្វើឲ្យក្រុមខ្លួនកាន់តែល្អទៅដើម្បីទទួលបានការចាប់អារម្មណ៍ពីសាធារណជន និងធ្វើឲ្យ KMH Champions League កាន់តែល្បីសុះសាយថែមទៀត។
KMH Champions League ចាប់ផ្ដើមបើកការប្រកួតនៅថ្ងៃទី២២ ខែតុលា ឆ្នាំ២០១៦ កន្លងទៅនេះ។ ម្ចាស់ជើងឯក KMH Champions League រដូវកាលចាស់ក្រុមបាល់ទាត់ Salt FC បានត្រឹមស្មើ ១-១ ជាមួយក្រុម ISI Group តែប៉ុណ្ណោះក្នុងថ្ងៃបើកឆាកប្រកួត៕
អត្ថបទ៖ នួន ស៊ីណា