ថោន បញ្ជាក់រឿងក្រសួងចេញវិធានការព្រមានបទ "ជីវិតអ្នកប្រដាល់"

2016-10-25 20:07:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយក្រសួងចេញវិធានការ៦ចំណុចពាក់ព័ន្ធនឹងបទចម្រៀង "ជីវិតអ្នកប្រដាល់" របស់តារាចម្រៀងខេម ដែលធ្វើឲ្យប៉ះពាល់អារម្មណ៍បងប្អូនកីឡាករប្រដាល់ និងទស្សនិកជនមួយចំនួននោះ លោក អ៊ា វឌ្ឍនា អ្នកចាត់ការទូទៅក្នុងផលិតកម្មថោនប្រាប់ថារឿងនេះ វាបានកន្លងផុតទៅ ជាង២ខែហើយ ភាគីទាំងសង្ខាងក៏បានជួបពិភាក្សាដោះស្រាយគ្នារួចអស់ហើយ។

អ្នកចាត់ការទូទៅក្នុងផលិតកម្មថោនខាងលើថ្លែង៖ "ការពិតរឿងរ៉ាវនេះបានបញ្ចប់ទៅយូរណាស់ដែរហើយ ក្នុងនោះខាងពួកខ្ញុំក៏បានជួបពិភាក្សា និងធ្វើសេចក្តីព្រមព្រៀងរាល់កំហុសដែលបានកើតឡើងដោយអចេតនា ជាមួយខាងក្រសួងរួចរាល់អស់ហើយដែរ។ ប៉ុន្តែមិនដឹងថាបណ្ដាផេគមួយចំនួន ហេតុអ្វីបានសើរើយកមកផុសវិញយ៉ាងដូច្នេះ"។

យ៉ាងណាមិញលោក អ៊ា វឌ្ឍនា បញ្ជាក់ទៀតថាបទ "ជីវិតអ្នកប្រដាល់" ដែលពីដំបូងឡើយបានធ្វើឲ្យប៉ះពាល់អារម្មណ៍របស់បងប្អូនកីឡាករប្រដាល់់ក៏ដូចជាទស្សនិកជនមួយចំនួននោះ ពេលនេះបានកែទំនុកច្រៀងសាជាថ្មី មិនមានពាក្យពេចន៍ដូចអ្វីដែលក្រសួង និងខាងសហព័ន្ធភាពកីឡាបានលើកឡើងត្រង់ពាក្យថា "តិរច្ឆាន" ដូចកាលពីមុនឡើយ ទៀតសោតបទនេះមិនមានយកទៅធ្វើអាជីវកម្មផលិតជា MV នោះទេ។

ជាក់ស្តែងនៅក្នុងកម្មវិធី "ស៊ីអារម្មណ៍" របស់ស្ថានីយ៍ទូរទស្សន៍ PNN បានអញ្ជើញតារាចម្រៀង ខេម ឡើងច្រៀងកាលពីប្រមាណមួយខែមុន ឃើញថារាល់ពាក្យពេជន៍ក្នុងបទចម្រៀងគឺបានផ្លាស់ប្តូរ ជាពិសេសត្រង់ឃ្លា "ថ្ងៃខ្លះខ្លួនខ្សោយទប់ទល់លែងបាន ដូចសត្វតិរច្ឆាន ត្រូវគេវាយដំ " ជំនួសដោយឃ្លា "ថ្លៃខ្លះខ្លួនខ្សោយទប់ទល់លែងបាន ឈឺហួសប្រមាណ ត្រូវគេវាយដំ" វិញ។

ជួបជាមួយលោក ស៊ិន ចន្ទសាយ៉ា ប្រធាននាយកដ្ឋានភាពយន្ត បានមានប្រសាសន៍ពាក់ព័ន្ធនឹងបញ្ហាខាងលើដូចនឹងលោក អ៊ា វឌ្ឍនា បានបញ្ជាក់ដែរថាវាបានកន្លងផុតទៅយូរហើយ។ ក្នុងនោះភាគីខាងផលិតកម្ម និងរូបលោកផ្ទាល់ក៏បានជួបពិភាក្សាគ្នាពីបទ "ជីវិតអ្នកប្រដាល់" នេះរួចរាល់ដែរ។

រាល់បទចម្រៀងដែលខាងផលិតកម្មនានាបានចេញលក់នៅលើទីផ្សារ ខាងក្រសួងមិនបានពិនិត្យមុនឡើយ ប៉ុន្តែបើករណីរាល់បទចម្រៀងដែលចេញមក ធ្វើឲ្យប្រាសចាកពីក្រមសីលធម៌ ឬ ប្រពៃណីជាតិខ្មែរ នោះ លោក ស៊ិន ចន្ទសាយ៉ា ថាខាងក្រសួងវប្បធម៌និងវិចិត្រសិល្បៈនឹងមានវិធានការនានា ដោយផ្អែកទៅ លើខ្លឹមសារនៃបទទាំងនោះ។

ប្រធាននាយកដ្ឋានរូបនេះបញ្ជាក់ទៀតថា៖ "ខ្ញុំមិនដឹងថាផេគណា យកពត៌មាននៃបទនេះមកសើរើឡើងវិញនោះទេ ព្រោះវាបានកន្លងផុតទៅ យូរដែរហើយ។ យើងក៏បានដោះស្រាយគ្នារួចអស់ហើយដែរ។ វិធានការព្រមានទាំង៦ចំណុច ទាំងសង្ខាងគឺបានព្រមព្រៀងគ្នារួចអស់ហើយ។ បើចេះតែមានផុសបន្តបន្ទាប់ដូច្នេះ ពេលណាបទនេះនឹងកប់បាត់"។

ពាក់ព័ន្ធនឹងបញ្ហាដែលបានកើតឡើងលោក ស៊ិន ចន្ទសាយ៉ា សំណូមពរក៏ដូចជាស្នើសុំគ្រប់បណ្តាផេគក្នុងបណ្ដាញសង្គម និងសិល្បករនានា សូមឈប់បន្តយកបទ "ជីវិតអ្នកប្រដាល់"នេះមកច្រៀង និងចាក់ផ្សាយក្នុងទូរទស្សន៍ទៀត។ ជាមួយគ្នានេះដែរលោកក៏បានធ្វើសេចក្តីហាមប្រាមទៅដល់ខាងផលិតកម្មរួចហើយ ថាឲ្យដកបទនេះចេញពីក្នុងប្រព័ន្ធយូធូបផ្លូវការថោន៕ អត្ថបទ៖ ថា ម៉ាលីដា

ពាក្យទាក់ទង

អត្ថបទសំខាន់ ផលិតកម្មថោន

អត្ថបទពេញនិយម

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

អត្ថបទថ្មី

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ហេតុផលធំមួយលោក RICKY Sun ឈប់ពីអាជីពចម្រៀងមកធ្វើគ្រូគុនខ្មែរ

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!

យុវជន លឹម ចិត្រា មានឆន្ទៈចង់ក្លាយជាកីឡាករអាជីព និងលេងក្រៅប្រទេសដូច Idol វឿន វាសនា