ស៊ន សៀវម៉ីបង្ហាញអារម្មណ៍មុនពេលកាន់ភ្លើងគប់ថ្ងៃបើកកីឡាជាតិ
- 2016-10-25 21:20:03
- ចំនួនមតិ 0 | ចំនួនចែករំលែក 0
ស៊ន សៀវម៉ីបង្ហាញអារម្មណ៍មុនពេលកាន់ភ្លើងគប់ថ្ងៃបើកកីឡាជាតិ
ចន្លោះមិនឃើញ
ម្ចាស់មេដាយមាសអូឡាំពិកហ្គេម២០១៤កញ្ញា ស៊ន សៀវម៉ី បង្ហាញអារម្មណ៍សប្បាយចិត្តដែរបានរត់កាន់ភ្លើងគប់នៅថ្ងៃបើកកម្មវិធីកីឡាជាតិលើកទី១ នៅថ្ងៃទី២៨ ខែតុលា ឆ្នាំ២០១៦ នេះ។
កញ្ញា ស៊ន សៀវម៉ី
កញ្ញា ស៊ន សៀវម៉ី អំឡុងពេលហាត់សមនៅកីឡដ្ឋានជាតិកាលពីថ្ងៃអាទិត្យទី២៣ ខែតុលា នេះបានឲ្យដឹងថា កញ្ញាមានអារម្មណ៍សប្បាយរីករាយជាខ្លាំងដែលបានថ្នាក់ដឹងនាំជ្រើសរើសកញ្ញាឲ្យរត់កាន់ភ្លើងគប់នៅថ្ងៃបើកកម្មវិធីកីឡាជាតិនៅពេលខាងមុខនេះ។
សកម្មភាពហ្វឹកហាត់ត្រៀម
កញ្ញាថា សប្បាយចិត្តនិងមានមោទនភាពជាខ្លាំង ពីព្រោះនេះជាកីឡាដ៏ធំនិងជាលើកទី១សម្រាប់កម្ពុជា។ កញ្ញាមិននឹកស្មានថា កម្ពុជាបង្កើតកម្មវិធីដ៏ធំមួយនេះឡើងមុនការប្រកួត ស៊ីហ្គេមឆ្នាំ២០២៣នោះទេ។
សកម្មភាពហ្វឹកហាត់ត្រៀម
សៀវម៉ីបន្ថែមថា ការបើកកម្មវិធីកីឡាជាតិលើកទី១នេះនឹងផ្ដល់បទពិសោធន៍ល្អៗជាច្រើនដល់កីឡាករគ្រប់រូបដើម្បីបានត្រៀមសម្រាប់ស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះនាពេលខាងមុខ។
កញ្ញា ស៊ន សៀវម៉ី ជាកីឡាការិនីម្នាក់ក្នុងចំណោមអត្តពលិក៩រូបផ្សេងទៀតដែលនឹងរត់កាន់ភ្លើងគប់ក្នុងថ្ងៃបើកកម្មវិធីកីឡាជាតិលើកទី១ ដែលប្រព្រឹត្តទៅនៅថ្ងៃទី២៨ ខែតុលា ឆ្នាំ២០១៦ ខាងមុខនេះ៕
អត្ថបទ៖ នួន ស៊ីណា