ផេកលក់ទំនិញអនឡាញប្រយ័ត្ន Security Page ប្លន់យកទិន្នន័យ
- 2016-10-25 18:26:03
- ចំនួនមតិ 0 | ចំនួនចែករំលែក 0
ផេកលក់ទំនិញអនឡាញប្រយ័ត្ន Security Page ប្លន់យកទិន្នន័យ
ចន្លោះមិនឃើញ
Security Page កំពុងអុកឡុកបណ្តាញសង្គម ដោយបានក្លែងជាផេកក្រុមហ៊ុន Facebook បង្ហោះព័ត៌មាន បោកប្រាស់បណ្តាគណនីនិងផេកលក់ទំនិញអនឡាញ។ ផេកនេះបោកឲ្យម្ចាស់គណនីទាំងអស់ វាយទិន្នន័យផ្ទាល់ខ្លួន រួចលួចយកទិន្នន័យពួកគេទៅប្រើ។
បើតាមការអះអាងពីលោក ផាន់ណារិទ្ធ ប្រធានគ្រប់គ្រងសុវត្ថិភាព ICT ឲ្យដឹងថា ផេកក្លែងក្លាយមួយនេះបានចែករំលែក (Share) Post របស់ផេកលក់ទំនិញនិងគណនីជាច្រើន ដោយបានសរសេរ Status រៀបរាប់ពីការល្មើសគោលការណ៍ហ្វេសប៊ុកពីម្ចាស់គណនីទាំងនោះ។
ពេលចុចចូលលីងលើ Status របស់ Security Page នេះ ម្ចាស់ផេកទាំងអស់នឹងតម្រូវឲ្យវាយព័ត៌មានផ្ទាល់ខ្លួន (លេខសម្ងាត់ និងថ្ងៃខែឆ្នាំកំណើតពិតជាដើម) ដើម្បីបញ្ជាក់ថាពួកគេជាម្ចាស់គណនីស្របច្បាប់។ ក្រោយវាយទិន្នន័យទាំងអស់ គណនីអ្នកប្រើប្រាស់ទាំងនោះនឹងត្រូវប្លន់ ដែលអាចប្រឈមនឹងការលួចយកប្រាក់ធនាគារ និងទិន្នន័យផ្ទាល់ខ្លួនផ្សេងៗទៀត។
លោក ផាន់ណារិទ្ធ ថា បើតាមលោកដឹង ផេកនេះទើបតែបង្កើត ហើយអាចនឹងកើតឡើងបន្តបន្ទាប់ក្រោយ Security Page ដួល។
ជាការក្រើនរំឮក អ្នកជំនាញរូបនេះ ទទួចឲ្យម្ចាស់គណនីទាំងអស់មានការប្រុងប្រយ័ត្ននិងមិនត្រូវវាយទិន្នន័យផ្តេសផ្តាសលើលីងរបស់ផេកក្លែងក្លាយនេះដាច់ខាត ជៀសវាងហានិភ័យផ្សេងៗកើតឡើង៕
នេះជាផេក Facebook Security ផ្លូវការរបស់ Facebook ដែលមានសញ្ញា ធីក បញ្ជាក់ (Verified Page) ខាងចុងឈ្មោះ។
អត្ថបទ៖ ប៉ែត ផាន់និត