ស្ត្រីធាត់ជាងគេបំផុតក្នុងលោក មិនបានចេញពីផ្ទះជាង២៥ឆ្នាំហើយ

2016-10-25 21:37:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីជនជាតិអេហ្ស៊ីបម្នាក់ មានទម្ងន់ជាងកន្លះតោន ត្រូវបានគេចាត់ទុកជាមនុស្សស្រីធាត់បំផុតក្នុងលោកដែលកំពុងរស់នៅ។

Iman Ahmad Abdulati អាយុ ៣៦ឆ្នាំ មិនបានចេញពីផ្ទះនៅទីក្រុង Alexandria អស់រយៈពេលជាង ២៥ឆ្នាំមកហើយ ដោយសារមិនអាចរើខ្លួនចេញពីគ្រែបាន ព្រោះទំហំខ្លួនធំពេក។ ការរស់នៅប្រចាំថ្ងៃ គឺពឹងផ្អែកទៅលើម្ដាយ និងប្អូនស្រី ជួយរៀបចំអាហារ ដូរសំលៀកបំពាក់ និងងូតទឹកជាដើម។

បើតាមសម្ដីម្ដាយ Iman កើតមកមានទម្ងន់ ៥គីឡូក្រាម។ គ្រូពេទ្យបានរកឃើញថា គាត់បានកើតជំងឺហើមដៃហើមជើង (Elephantiasis) ហើយរាងកាយស្តុកទឹកច្រើនជាងមនុស្សទូទៅ។

នៅអាយុ១១ឆ្នាំ Iman ចាប់ផ្ដើមឡើងគីឡូខ្លាំងមែនទែន បណ្ដាលឲ្យនាងមិនអាចដើរបាន រួចបានត្រឹមលូននៅក្នុងផ្ទះដោយប្រើជង្គង់។ ក្នុងឆ្នាំដដែល នាងត្រូវបង្ខំចិត្តបោះបង់ចោលការសិក្សា ហើយថែមទាំងកើតជំងឺដាច់សរសៃឈាមខួរក្បាល រហូតគាត់ត្រូវដេកនឹងកន្ទេលជាប់ទៀតផង។

ចាប់តាំងពីពេលនោះមក Iman នៅតែក្នុងបន្ទប់ មិនអាចដើរចេញចូលបាន ឬធ្វើសកម្មភាពអ្វីបានទៀតទេ។ ឥឡូវនេះនាងមានទម្ងន់ ៥០០គីឡូក្រាមហើយ គ្រួសាររបស់នាងកំពុងអង្វរករដល់ប្រធានាធិបតីអេហ្ស៊ីប ឲ្យជួយផ្ដល់ជំនួយសុខភាពទៅ Iman ផងដែរ៕