ឈិន ឈឿន និយាយពីឱកាសមាសចំពោះមុខ តែបញ្ជូនបាល់ឲ្យ វឌ្ឍនាកា ស៊ុត

2016-10-26 16:59:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ឱកាសមាសនៅចំពោះមុខដើម្បីស៊ុតបាល់បញ្ចូលទីរបស់ទីម័រខាងកើតយ៉ាងស្រួល ប៉ុន្តែខ្សែបម្រើលេខ១៧ ឈិន ឈឿន មិនបានស៊ុតដោយខ្លួនឯងនោះទេ បែរជាបញ្ជូនបាល់ទៅឲ្យតារាឆ្នើមវ័យក្មេង ចាន់ វឌ្ឍនាកាជាអ្នកស៊ុតវិញដែលពេលនោះកម្ពុជាឈ្នះទីម័រខាងកើតដោយលទ្ធផល ៣-២។

កីឡាករ ឈិន ឈឿន

ទាក់ទងនឹងការមិនស៊ុតខ្លួនឯងនេះ ឈិន ឈឿន បានឲ្យ Sabay ដឹងថា មូលហេតុដែលរូបនេះមិនស៊ុតដោយខ្លួនឯងនៅពេលដាច់ជាមួយអ្នកចាំទីរបស់ទីម័រនោះថា បើបោះឲ្យ ចាន់ វឌ្ឃនាកា គឺច្បាស់១០០%។ បាល់ទាត់មិនមែនទាល់តែខ្លួនឯងស៊ុតចូលទើបល្អឬខ្លាំងនោះទេ។ កីឡាករណាអ្នកស៊ុតចូលក៏ក្រុមឈ្នះដែរ។ ណាមួយឃើញ ចាន់ វឌ្ឍនាកា នៅក្បែរនោះហើយងាយស្រួលទាត់បាល់បញ្ចូលទីផង ដូច្នេះហើយទើបរូបគេសម្រេចចិត្តបញ្ជូនបាល់ឲ្យខ្សែប្រយុទ្ធ ចាន់ វឌ្ឍនាកា ស៊ុតតែម្ដងទៅ។

ឈិន ឈឿន បានជួយឲ្យក្រុមបាល់ទាត់ជម្រើសជាតិកម្ពុជាឈ្នះទាំង៣ប្រកួតក្នុងវគ្គជម្រុះពាន់រង្វាន់ AFF Suzuki Cup កន្លងទៅដែលកម្ពុជាធ្វើជាម្ចាស់ផ្ទះ។ ៣ប្រកួតចុងក្រោយរបស់ជម្រើសជាតិកម្ពុជាគឺឈ្នះ ក្រុមបាល់ទាត់ជម្រើសជាតិ ឡាវ ២-១ ឈ្នះប្រ៊ុយណេ ៣-០ និងចុងក្រោយឈ្នះទីម័រ ៣-២ ហើយកម្ពុជាជាប់ទៅលេងវគ្គចែកពូលបន្តទៀតផងដែរ៕

អត្ថបទ៖ នួន ស៊ីណា