Liverpool & Spurs ក្រុមណា អាចឡើងវគ្គ៨ក្រុមពាន EFL Cup យប់នេះ?

2016-10-25 22:00:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហង្សក្រហម Liverpool នឹងត្រូវស្វាគមន៍ក្រុមមាន់ខ្នាយមាស Tottenham Hotspur ក្នុងការប្រកួតពានរង្វាន់ EFL Cup ឬ League Cup ជុំទី៤ នៅកីឡដ្ឋាន Anfield វេលាម៉ោង០១:៤៥នាទីយប់នេះ។ ចាំមើលថា ក្រុមកំពុងឡើងជើងទាំង២នេះ តើក្រុមមួយណា អាចឡើងទៅវគ្គ៨ក្រុម ហើយតើក្រុមមួយណា នឹងត្រូវហាលអាវ?

ជើងកីឡាករ៖

ម្ចាស់ផ្ទះ Liverpool អ្នកចាត់ការ Jurgen Klopp បានបញ្ជាក់ថា អ្នកចាំទី Simon Mignolet បានក្លាយជាជម្រើសទី២ហើយ ហើយនឹងចូលលេងជម្រើសដំបូងយប់នេះ ខណៈដែលខ្សែប្រយុទ្ធ Divock Origi និង Daniel Sturridge ក៏អាចនឹងបង្ហាញខ្លួនដំបូងដែរ បន្ទាប់ពីពុំសូវបានលេងនៅ Premier League ប៉ុន្តែប្រធានក្រុម Jordan Henderson នឹងអវត្តមាន ដោយសារជាប់បម្រាម។ ដូច្នេះ១១នាក់ដំបូងរបស់ Liverpool យប់នេះ អាចប្រើប្រព័ន្ធ ៤-៣-៣ មាន៖ Mignolet; Clyne, Matip, Klavan, Moreno; Can, Lucas, Wijnaldum; Origi, Sturridge, Firmino។

រីឯក្រុមភ្ញៀវ Spurs អ្នកចាំទីហូឡង់ Michel Vorm នឹងជាប់ជម្រើសដំបូងជំនួស Hugo Lloris ខណៈដែល Harry Kane និង Toby Alderweireld ត្រូវអវត្តមាន ដោយសាររបួស។ រីឯ Moussa Sissoko ក៏ត្រូវអវត្តមានដែរ បន្ទាប់ពីត្រូវ FA ពិន័យ កាលប៉ះទង្គិចគ្នាជាមួយខ្សែបម្រើ Harry Arter របស់ក្រុម Bournemouth កាលពីថ្ងៃសៅរ៍។ ដូច្នេះ១១នាក់ដំបូងរបស់ Spurs អាចប្រើប្រព័ន្ធ ៤-២-៣-១ មាន៖ Vorm; Trippier, Dier, Wimmer Davies; Wanyama, Carroll; Onomah, Dembele, Nkoudou; Janssen។

ប្រវត្តិជួបគ្នា និងស្ថិតិមួយចំនួន៖

Liverpool ជាក្រុមជើងឯករង League Cup រដូវកាលមុន (២០១៦) ខណៈដែល Spurs ជាក្រុមជើងឯករង កាលឆ្នាំ២០១៥។ ដូច្នេះប្រកួតនេះ ជាការប្រកួតប៉ះគ្នា រវាងក្រុមជើងឯករង League Cup ២ឆ្នាំចុងក្រោយ។

៨ប្រកួតចុងក្រោយ ប៉ះគ្នាគ្រប់ពានរង្វាន់ទាំងអស់ Liverpool មិនដែលចាញ់ Spurs ទេ (ឈ្នះ៥, ស្មើ៣)។ ជួបគ្នាលើកចុងក្រោយនៅ Premier League កាលខែសីហា ស្មើគ្នា ១-១ នៅកីឡដ្ឋាន White Hart Lane។

Liverpool ឡើងដល់វគ្គ៨ក្រុមចុងក្រោយ (Quarter-final) League Cup ២រដូវកាលចុងក្រោយជាប់ៗគ្នា។ Spurs ចាញ់៣ដង ក្នុងប្រកួត៤ដងចុងក្រោយប៉ះក្រុម Premier League ក្នុងពាន League Cup ដោយយកឈ្នះ Newcastle ៤-០ តាំងពីខែធ្នូ ឆ្នាំ២០១៤៕

ព្យាករគូនេះគឺ៖ Liverpool ២-១ Tottenham Hotspur , ចុះប្រិយមិត្តយល់យ៉ាងណា?

* គូប្រកួតពាន EFL Cup យប់នេះទាំងអស់មាន៖