ក្ដារចុចលក្ខណៈខ្មែរបង្កើតឡើងដើម្បីលើកស្ទួយអក្សរសាស្ត្រជាតិ និងកាន់តែងាយស្រួល

2016-10-26 00:41:58
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនថានៅពេលណា កន្លែងណា ក៏គំនិតដ៏អស្ចារ្យរបស់អ្នកអាចផុសឡើងជានិច្ច។ ចំពោះលោក ពួយ លីហេង អ្នកបង្កើតក្ដារចុចលក្ខណៈខ្មែរវិញ គំនិតក្នុងការរចនាកម្មវិធីកុំព្យូទ័រដែលអាចជួយឱ្យការវាយអក្សរខ្មែរកាន់តែលឿន មិនបានលេចឡើងនៅទឹកដីកំណើតរបស់ខ្លួនទេ ប៉ុន្តែបែរជានៅក្នុងប្រទេសមួយផ្សេងដែលភាសាកំណើតរបស់លោកត្រូវបានចាត់ទុកជាភាសាបរទេសទៅវិញ។

អំឡុងពេលសិក្សាផ្នែកវិស្វកម្មមេកានិកនៅក្នុងប្រទេសថៃ លោក លីហេង យល់ថាក្តារចុចភាសាថៃដែលប្រជាជនថៃប្រើប្រាស់មានភាពងាយស្រួលជាងក្ដារចុចមួយចំនួននៅស្រុកខ្មែរដែលមានភាពស្មុគស្មាញ និងចំណាយពេលច្រើន។ ដោយសារតែកត្តានេះហើយបានជំរុញទឹកចិត្ត លោកឱ្យត្រឡប់មកភ្នំពេញវិញ ហើយចាប់ផ្ដើមអភិវឌ្ឍក្ដារចុចមួយដែលស្រដៀងគ្នានេះសម្រាប់ប្រជាជាតិរបស់ខ្លួន។ លោកលីហេងបានឱ្យដឹងថា «ខ្ញុំបានដឹងថាប្រជាជនខ្មែរភាគច្រើនកំពុងប្រើកម្មវិធីពុម្ពអក្សរខ្មែរយូនីកូដ ដែលជាញឹកញាប់សង្កេតឃើញថាក្ដារចុចផ្អែកលើមូលដ្ឋានអក្ខរក្រមអង់គ្លេស យឺត លំបាក និងបញ្ហាប្រឈមច្រើន។ ទីតាំងនៃអក្សរខ្មែរទាំងនេះគឺជាបញ្ហាសំខាន់ ព្រោះវាគោរពតាមអក្ខរក្រមរ៉ូម៉ាំង ហើយបញ្ហានេះបណ្តាលឱ្យមានការលំបាកច្រើនសម្រាប់អ្នកប្រើប្រាស់ដែលព្យាយាមវាយអក្សរខ្មែរដែលខ្លួនមិនទម្លាប់ជាមួយភាសាអង់គ្លេស»។ លោកបានបន្ថែមទៀតថា បញ្ហាមួយទៀតដែលអ្នកប្រើប្រាស់ខ្មែរបានជួបប្រទះ គឺការតម្រូវឱ្យចុចគ្រាប់ប្ដូរ (Shift) ជាញឹកញាប់ ពេលវាយពាក្យទូទៅ ដែលបណ្ដាលឱ្យការវាយអត្ថបទយឺតជាងមុន។

គម្រោងនេះបានចំណាយពេលពីរឆ្នាំសម្រាប់លោកក្នុងការធ្វើផែនការកែសម្រួល និងអភិវឌ្ឍ មុនពេលដែលរកឃើញកម្មវិធីដំណោះស្រាយសមស្រប។ ការដាក់ឈ្មោះក្ដារចុចលក្ខណៈខ្មែរ វាជាការកែលម្អលើពុម្ពអក្សរយូនីកូដខ្មែរដោយការតម្រៀបដាក់អក្សរលើទីតាំងនៃគ្រាប់ចុចដែលប្រើញឹកញាប់ដើម្បីធ្វើឱ្យការប្រើម្រាមដៃវាយបានលឿនជាងមុន និងងាយស្រួលជាងមុន។ គ្រាប់ចុចប្តូរ (Shift) ដែលធ្លាប់ជាឧបសគ្គសម្រាប់អ្នកប្រើប្រាស់ដោយសារត្រូវចុចវាញឹកញាប់នោះ ឥឡូវនេះលែងជាបញ្ហាទៀតហើយ។ លោក លីហេងក៏បានឱ្យដឹងទៀតថា "ក្ដារចុចលក្ខណៈខ្មែរ ពិតជាជួយធ្វើឱ្យក្ដារចុចខ្មែរយូនីកូដបច្ចុប្បន្នកាន់តែប្រសើរឡើង ហើយស្ថាបនិកក្ដារចុចយូនីកូដ លោក ដាញ់ ហុង ក៏គាំទ្រគំនិតផ្ដួចផ្ដើមរបស់យើងដែរ»។ លោកបន្ថែមថា "បច្ចេកវិទ្យាថ្មីនេះ រួមចំណែកជាមធ្យោបាយធំមួយក្នុងជីវិតប្រជាជនខ្មែរ និងក្រុមរបស់ខ្ញុំ ហើយខ្ញុំបានបង្កើតកម្មវិធីនេះឡើង ដោយសារតែយើងមិនត្រឹមតែគោរពស្រឡាញ់ភាសាជាតិយើងនោះទេ តែយើងថែមទាំងចង់ធ្វើឱ្យវាកាន់តែងាយស្រួល និងឆាប់រហ័សជាងមុនសម្រាប់មនុស្សគ្រប់គ្នាក្នុងការប្រាស្រ័យទាក់ទងបែបឌីជីថល"។

ក្ដារចុចលក្ខណៈខ្មែរបច្ចុប្បន្ន អ្នកអាចទាញយកមកប្រើប្រាស់ដោយឥតគិតថ្លៃសម្រាប់កុំព្យូទ័រ ស្មាតហ្វូន ឬឧបករណ៍អេឡិចត្រូនិករបស់លោកអ្នកក្នុងទំព័រហ្វេសប៊ុករបស់លោក លីហេង www.facebook.com/KhmerismKeyboardLayout។ លោកអ្នកក៏អាចទាញយកកម្មវិធីសម្រាប់ប្រព័ន្ធប្រតិបត្តិការ Android នៅក្នុង Google Play Store ដោយការវាយ "Khmerism" ។ សម្រាប់ប្រព័ន្ធប្រតិបត្តិការ iOS នៅមិនទាន់អាចប្រើកម្មវិធីនេះបាននៅឡើយទេ ប៉ុន្តែនឹងចេញឱ្យប្រើប្រាស់ក្នុងពេលឆាប់ៗនេះ។ លោកលីហេងជាសហគ្រិនមួយរូបក្នុងកម្មវិធីគំនិតផ្តួចផ្តើម Cellcard Lab ។ នេះជាកម្មវិធីតែមួយគត់ ដំណើរការដោយសែលកាត ក្រុមហ៊ុនទូរគមនាគមន៍ឈានមុខគេ និងសាលសហកិច្ចការ Impact Hub ដែលមានគោលបំណងជំរុញលើកកម្ពស់ប្រជាជនកម្ពុជាដែលមានអាយុពី18 ទៅ25ឆ្នាំ តាមរយៈការផ្ដល់នូវវេទិកាមួយដើម្បីប្រែក្លាយគំនិតពួកគេឱ្យទៅជាឱកាសអាជីវកម្មសង្គមប្រកបដោយស្ថេរភាព។ គំនិតផ្តួចផ្តើមបង្កើតក្ដារចុចលក្ខណៈខ្មែរ ក៏ត្រូវបានគាំទ្រដោយ TosFUND ដែលទម្រង់មុខងារប្រមូលមូលនិធិអនឡាញ និងអង្គភាពរកមូលនិធិមិនគិតផលចំណេញ។ TosFUND ដែលបង្កើតឡើងដោយAction IEC និងមានការគាំទ្រដោយក្រុមហ៊ុនសែលកាត និងទីភ្នាក់ងារ USAID មានគោលបំណងដើម្បីជួយសម្រួលដល់ការប្រមូលមូលនិធិដោយផ្ដោតលើការគាំទ្រដល់គម្រោងអភិវឌ្ឍន៍ និងបុព្វហេតុសង្គមនៅប្រទេសកម្ពុជា។ លោកអ្នកអាចចូលរួមគាំទ្រដល់លោក លីហេង តាមរយៈការបរិច្ចាគជំនួយដល់គាត់តាមរយៈ www.tosfund.com។ ប្រសិនបើអ្នកមានគំនិតល្អៗ ចង់ប្រែក្លាយឱ្យទៅជាអាជីវកម្មមួយ កម្មវិធី Cellcard Lab ដែលផ្តួចផ្តើមថ្មីរបស់សែលកាត និង Impact Hub ផ្តល់ឱ្យបេក្ខជននូវឱកាសជោគជ័យក្នុងការចូលរួមក្នុងកម្មវិធីបណ្ដុះគំនិតរយៈពេលបីខែដែលរួមមានទាំងការចូលរួមវគ្គសិក្ខាសាលាឯកទេស និងអ្នកណែនាំតម្រង់ទិសផ្ទាល់ខ្លួនផងដែរ។ សិក្ខាកាមទាំងអស់នឹងរីករាយជាមួយដំណើរទស្សនកិច្ចរយៈពេលបីថ្ងៃទៅកាន់ទីក្រុងកូឡាឡាំពួរ ប្រទេសម៉ាឡេស៊ី ដើម្បីចូលរួមសិក្ខាសាលាកម្មវិធីបណ្ដុះគំនិត MaGIC (Malaysian Global Innovation & Creativity Centre) និងទស្សនកិច្ចនៅការិយាល័យក្រុមហ៊ុន Microsoft នេះផងដែរ។ សម្រាប់អ្នកដែលមានចំណាប់អារម្មណ៍បង្កើតសមត្ថភាពជាមួយ Cellcard Lab អាចទាញយកពាក្យចុះឈ្មោះចូលរួមតាមរយៈ www.cellcard.com.kh/cellcardlab ឱ្យបានមុនថ្ងៃទី15 ខែតុលានេះ។ កម្មវិធីនេះទទួលយកសិក្ខាកាមចូលរួមតែ៣រូបប៉ុណ្ណោះសម្រាប់ត្រីមាសនីមួយៗ។ ដូច្នេះសូមរួសរាន់ដាក់ពាក្យនៅថ្ងៃនេះ! អត្ថបទ៖ ពាណិជ្ជកម្ម

ពាក្យទាក់ទង

ការផ្សាយពាណិជ្ជកម្ម

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

អត្ថបទថ្មី

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

យុវជន លឹម ចិត្រា មានឆន្ទៈចង់ក្លាយជាកីឡាករអាជីព និងលេងក្រៅប្រទេសដូច Idol វឿន វាសនា

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

កក្រើក! ក្រុមបាល់ទះកីឡាករល្បីៗចូលប្រកួតបាល់ទាត់ដ៏ធំមួយប្រមូលមូលនិធិជូនមន្ទីរពេទ្យគន្ធបុប្ផា

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី