រឿងនិទានពី សុគន្ធ និសា ធ្វើឲ្យកុមារជាច្រើនញញឹមពេញមន្ទីរពេទ្យ
- 2016-10-26 23:39:02
- ចំនួនមតិ 0 | ចំនួនចែករំលែក 0
រឿងនិទានពី សុគន្ធ និសា ធ្វើឲ្យកុមារជាច្រើនញញឹមពេញមន្ទីរពេទ្យ
ចន្លោះមិនឃើញ
តារាចម្រៀងសំឡេងស្រទន់ សុគន្ធ និសា ដែលជាទូតសុច្ឆន្ទៈរបស់អង្គការស៊ីប៉ា បានចូលរួមសកម្មភាពនៅបណ្ណាល័យមន្ទីរពេទ្យកុមារជាតិ និងនិទានរឿងខ្លីដោយផ្ទាល់ ដើម្បីគាំទ្រចលនាផ្សព្វផ្សាយការអានជាមួយកុមារកំពុងសម្រាកព្យាបាលនៅទីនោះ ធ្វើឲ្យពួកគេសប្បាយចិត្តយ៉ាងខ្លាំង។
ចង់ដឹងថាកញ្ញា សុគន្ធ និសា និទានរឿងពីរោះប៉ុណ្ណាទស្សនាវីដេអូខាងក្រោម៖
សុគន្ធ និសា បានបញ្ជាក់ឱ្យដឹងថា ការធ្វើជាទូតសុច្ឆន្ទៈរបស់អង្គការស៊ីប៉ានេះ គឺកើតចេញពីទឹកចិត្តរបស់កញ្ញាផ្ទាល់ ដោយពុំបានទទួលប្រាក់កម្រៃអ្វីទាំងអស់ តាំងពីដើមឆ្នាំ២០១៥មកម្ល៉េះ។ ជាពិសេសក្នុងឆ្នាំ២០១៦នេះ គឺមិនបានចុះកុងត្រាលាយលក្ខណ៍អក្សរអ្វីទេ អោយតែមានកម្មវិធីល្អៗ កញ្ញាស្ម័គ្រចិត្តចូលរួមជានិច្ច។
អ្វីដែលសំខាន់នោះគឺកញ្ញា សុគន្ធ និសា ចង់អោយកុមារក្នុងប្រទេសកម្ពុជា បង្កើតទម្លាប់ក្នុងការអានសៀវភៅ ពីព្រោះថាការអានសៀវភៅបានច្រើនគឺជាប្រភពនៃចំណេះដឹង និងមូលដ្ឋានគ្រឹះដ៏សំខាន់ក្នុងការកសាងសមត្ថភាពក្លាយជាសិស្សពូកែផងដែរ៕
អត្ថបទ៖ ថោ ច័ន្ទឬទ្ធិ