HTC បន្តខាត ៦៣ លានដុល្លារទៀត នៅត្រីមាសទីបី

2016-10-27 16:49:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន HTC បានបង្ហាញរបាយការណ៍ហិរញ្ញវត្ថុប្រចាំត្រីមាសទីបី ឆ្នាំ ២០១៦ នេះដែលបង្ហាញថាមានការខាតបង់សរុប ៦៣,៣០ លានដុល្លារ។

ត្បិតតួលេខខាតបង់នេះខ្ពស់ប៉ុន្តែបើប្រៀបទៅនឹងត្រីមាសទីពីរ ឆ្នាំ ២០១៦ ដូចគ្នាគឺគ្រាន់បើជាងបន្តិច ដោយពេលនោះខាតបង់ដល់ទៅ ១៣២,៩២ លានដុល្លារ។ ក្រឡេកមើលតួលេខដទៃទៀតឃើញថា មានការប្រែប្រួលច្រើនដោយចំណូលបានកើនឡើង ៤១,៨៤% ធៀបនឹងខែមុន ហើយបើធៀបនឹងឆ្នាំមុនកើនឡើង ៣១,៣៥%។

លោកស្ត្រី Cher Wang នាយកប្រតិបត្តិក្រុមហ៊ុន HTC ថ្លែងថា ចំណូលកើនឡើងនេះដោយសារផលិតផលកំពូលៗរបស់ក្រុមហ៊ុនដូចជាទូរសព្ទ HTC 10 និងប្រព័ន្ធ VR HTC VIVE អាចកាន់កាប់ទីផ្សារបានច្រើន។ មួយវិញទៀត HTC ទទួលបានផលវិជ្ជមាននៅត្រីមាសនេះ ក៏ដោយសារបានចូលរួមសហការជាមួយ Google លើការផលិតស្មាតហ្វូនម៉ូដែល Pixel ផងដែរ៕

ចុចអាន៖ Tim Cook ស្វាគមន៍អតិថិជន Note 7 ដែលប្ដូរប្រើ iPhone

ប្រែសម្រួល៖ ហៃ សុខហេង ប្រភព៖ AndroidAuthority