ជួន សំណាង និយាយអ្វីខ្លះពីជើងខ្លាំង ឡៅ ចន្រ្ទានិងផល សោភ័ណ្ឌ?

2016-10-28 22:39:40
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់ ជួន សំណាង បានសរសើរពីភាពវ័យឆ្លាតនិងភាពប៉ិនប្រសប់ក្នុងការប្រកួតរបស់ កីឡាករវ័យក្មេង ឡៅ ចន្រ្ទា និងជើងខ្លាំងពីក្លឹបតាឡីដំរីមានរិទ្ធិ ផល សោភ័ណ្ឌ។

លោកគ្រូ ជួន សំណាង

លោកគ្រូ ជួន សំណាង បានឲ្យ Sabay ដឹងថា កីឡាករមកពីឆ័ត្រយោង៩១១ ឡៅ ចន្រ្ទា អាចមានសង្ឃឹម៨០%ចំពោះខ្សែក្រវាត់គូបូតារដូវកាលនេះ ខណៈ ផល សោភ័ណ្ឌ មានឱកាស៧០%។

គ្រូរូបនេះលើកឡើងទៀតថាកីឡាករទាំងពីរសុទ្ធតែជាជើងខ្លាំងនិងសំបូរស្នៀតប្រយុទ្ធក្នុងការប្រកួតគ្រាន់តែ ឡៅ ចន្រ្ទា នៅពេលអោបគ្នាគេល្អជាងនិងមានក្បាច់សម្រាប់ប្រើច្រើនជាង ឯកក្បាច់ការពារក៏រឹងមាំទៀតផង។

ចៅក្រមនៅសង្វៀនបាយ័ន ម្នាក់នេះបន្ថែមទៀតថា ផល សោភ័ណ្ឌ ជាកីឡាករល្អមកពីក្លឹបតាឡីដំរីមានរិទ្ធិ ដែរ ប៉ុន្តែគ្រាន់តែនៅពេលកៀកគ្នាកីឡាកររូបនេះមិនសូវជាធ្វើបានល្អប៉ុន្មានទេ។ លោកគ្រូជឿជាក់ថាកីឡាករទាំងពីរនឹងជួបគ្នានៅថ្ងៃផ្ដាច់ព្រ័ត្រជាមិនខាន។

លោកគ្រូ ជួន សំណាងជាចៅក្រមនិងជាគណៈកម្មាធិការប្រដាល់គុនខ្មែរ។ សព្វថ្ងៃលោកគ្រូបំពេញភារកិច្ចនៅសង្វៀនទូរទស្សន៍បាយ័ន។ លោកគ្រូក៏មានភារកិច្ចជាគណៈកម្មាធិការមួយរូបក្នុងការប្រកួតកីឡាជាតិលើកទី១នេះដែរ៕