វិធីច្នៃត្បូងនៅប៉ៃលិន ទម្រាំបាន១គ្រាប់ពិតជាពិបាកមែន!
- 2016-10-29 19:17:58
- ចំនួនមតិ 0 | ចំនួនចែករំលែក 0
វិធីច្នៃត្បូងនៅប៉ៃលិន ទម្រាំបាន១គ្រាប់ពិតជាពិបាកមែន!
ចន្លោះមិនឃើញ
មកដល់ខេត្តប៉ៃលិន ក្រុមការងារផ្លូវទៅស្រុក បានទៅសាកសួរកន្លែងច្នៃត្បួងមួយកន្លែងនៅជិតភ្នំយ៉ាត ដែលល្បីថាមានត្បូងគ្រប់ប្រភេទ ហើយយកមកពីតាមបណ្ដាខេត្តច្រើនទៀតផង។
លោក គី វាសនា ម្ចាស់កន្លែងច្នៃត្បូងនោះផ្ទាល់ បានបង្ហាញចំណាប់អារម្មណ៍ថាត្បូងបច្ចុប្បន្ននេះ មានប្រភពមកពីតាមបណ្ដាខេត្តច្រើន មិនមែនមានតែនៅប៉ៃលិនមួយទេ។ តួយ៉ាងដូចជា នៅខេត្តរតនគិរី ព្រះវិហារ កំពង់ធំជាដើម ក៏សុទ្ធតែមានត្បូងល្អៗយកច្នៃដល់ប៉ៃលិនផងដែរ។ ទាក់ទិននិងរឿងច្នៃវានេះដែរ ម្ចាស់កន្លែងមួយនេះ បានបង្ហាញថាពិតជាមានភាពពិបាកបន្តិចចំពោះត្បូងដែលមានរាងតូច ជាពិសេសការច្នៃទៅតាមម៉ូដភ្ញៀវត្រូវការតែម្ដង។ ត្បិតអីត្រូវដែលមានសភាពរឹង រហូតដល់៩,១ចុច គឺរឹតតែពិបាកថែមទៀត។
(លោក គី វាសនា ម្ចាស់កន្លែងច្នៃត្បូង)
សូមបញ្ជាក់ថាត្បូងនៅបច្ចុប្បន្ននេះ មានច្រើនប្រភេទមែនទែន ប៉ុន្តែពណ៌ដែលថ្លៃជាងគេនៅតែក្រហម និងខៀវដដែល។ ដោយពណ៌ក្រហមមានតម្លៃពី៣០០ដុល្លារទៅ៦០០ដុល្លារក្នុង១ក្រាត និងត្បូងពណ៌ខៀវតម្លៃពី១៥០ដុល្លារទៅ៣០០ដុល្លារក្នុង១ក្រាត៕
ខាងក្រោមនេះជាវីដេអូបង្ហាញខ្លះៗនៃការច្នៃត្បូង៖
អត្ថបទ៖ មុន្នី រម្យ