ឈុតថើប ស្រីឡាង ប្រាប់ថា អែត វីន មិនដូច លឹម ជាឡាយ
- 2016-11-01 18:10:33
- ចំនួនមតិ 0 | ចំនួនចែករំលែក 0
ឈុតថើប ស្រីឡាង ប្រាប់ថា អែត វីន មិនដូច លឹម ជាឡាយ
ចន្លោះមិនឃើញ
សាឡាត់ ស្រីឡាង បានប្រាប់ Sabay ថា សម្តែងខ្សែភាពយន្តជាមួយកំលោះសង្ហារ អែត វីន ដល់វគ្គឈុតថើបលែងសូវមានភាពអៀនខ្មាស ខុសស្រលះ ពីការសម្តែងជាមួយ លឹម ជាឡាយ ឆ្ងាយ។
អែត វីន និង ស្រីឡាង(រូបថតពីហ្វេសប៊ុកស្រីឡាង)
តួឯកស្រីក្នុងរឿង"ទីបញ្ចប់នៃស្នេហ៍" បានថ្លែងថា៖ "ច៎ាសបង...បើនិយាយទៅចរិកពីរនាក់គាត់គឺដូចតែគ្នាហ្នឹង លេងសើចដូចគ្នាបងពេលខ្ញុំសម្តែងជាមួយគាត់ តែទាស់ត្រង់ថាពេលខ្ញុំសម្តែងជាមួយបង អែត វីន មានអារម្មណ៍អៀនខ្មាសខ្លះដែរពេលដល់ឈុតឱបថើប។ តែបើជាមួយ បងជាឡាយ គឺខ្ញុំអៀនខ្លាំងណាស់ពេលដល់ឈុតឱបថើបនេះបង"។
ជាឡាយ និង ស្រីឡាង (រូបថតពីហ្វេសប៊ុកស្រីឡាង)
តារាសម្តែងវ័យ២០ឆ្នាំខាងលើបានបន្ថែមថា មូលហេតុដែលរូបនាងមិនមានការអៀនខ្មាស់ខ្លាំងពេលសម្តែងជាមួយ អ៊ែតវីន ដោយសារតែអ៊ែតវីន និងបងស្រីរបស់នាងជាមិត្តភក្តិ និងបានស្គាល់គ្នាតាំងពីមុនពេលសម្តែង។
ការលើកឡើងរបស់ កញ្ញា សាឡាត់ ស្រីឡាង គឺស្របពេលដែលសម្តែងខ្សែភាពយន្តភាគ រឿង "មន្តស្នេហ៍ក្រមុំបាយឆា" ជាមួយ អែត វីន ឲ្យស្ថានីយ៍ទូរទស្សន៍ PNN៕
អត្ថបទ៖ ឆុង ស៊ីណាន