HTC Bolt ទូរសព្ទគ្មានរន្ធដោតកាស 3.5ម.ម ដូច iPhone 7
- 2016-11-11 07:54:13
- ចំនួនមតិ 0 | ចំនួនចែករំលែក 0
HTC Bolt ទូរសព្ទគ្មានរន្ធដោតកាស 3.5ម.ម ដូច iPhone 7
ចន្លោះមិនឃើញ
HTC បានបង្ហាញជាផ្លូវការនូវស្មាតហ្វូនម៉ូដែល HTC Bolt ដែលជាស្មាតហ្វូនមិនប្រើរន្ធកាសប្រភេទ 3.5mm ដូចជា iPhone 7 និង iPhone 7 Plus ដែរ ដោយនឹងប្រើរន្ធ USB Type-C ជំនួសវិញ។
HTC Bolt នេះគឺជាទូរសព្ទដំបូងគេរបស់ក្រុមហ៊ុនបច្ចេកវិទ្យាតៃវ៉ាន់ ដែលមានបំពាក់បច្ចេកវិទ្យាធន់នឹងទឹកកម្រិត IP57។ ក្រឡេកមើលរូបរាងរបស់ស្មាតហ្វូនជំនាន់ថ្មីនេះ ហាក់មិនជាខុសប្លែកគ្នាពី HTC 10 ចេញកាលពីដើមឆ្នាំប៉ុន្មានឡើយ ប៉ុន្តែលក្ខណៈសម្បត្តិពីក្នុងមិនដូចគ្នាឡើយ។
អេក្រង់ទំហំ ៥,៥ អ៊ីញដែលបំពាក់លើ HTC Bolt ជាអេក្រង់ Super LCD 3 អាចបង្ហាញរូបភាពបានយ៉ាងច្បាស់។ បន្ទះ Chip ជាប្រភេទ Snapdragon 810 មាន CPU ល្បឿនដល់ 2.0 GHz, RAM ទំហំ 3GB និង មានអង្គផ្ទុកទិន្នន័យក្នុងម៉ាស៊ីនទំហំ 32GB ដោយអាចបន្ថែមទំហំបានតាមមេមូរីកាត។
កាមេរ៉ាផ្នែកខាងក្រោយរបស់ HTC Bolt មានកម្រិត 16MP, អាចចាប់យកវីដេអូកម្រិតដល់ 4K, មានបច្ចេកវិទ្យារក្សាលំនឹងរូបភាព និង អាចថតរូបភាពប្រភេទ RAW។ កាមេរ៉ាខាងមុខវិញមានកម្រិត 8MP អាចថតវីដេអូបានដល់កម្រិត 1080p។
ថ្មទូរសព្ទមានទំហំ 3200 mAh ដោយអាចសាកបំពេញថាមពលបានលឿន ហើយបច្ចេកវិទ្យាស្កេនក្រយៅដៃមានលើ HTC Bolt អាចប្រើដើម្បីដោះសោក្នុងល្បឿនត្រឹម ០,២ វិនាទី។ បច្ចុប្បន្ន HTC Bolt មានដាក់លក់នៅសហរដ្ឋអាមេរិកក្នុងតម្លៃប្រមាណ ៦០០ដុល្លារ៕
ចុចអាន៖ iPhone 7 ដាក់លក់ផ្លូវការនៅវៀតណាមព្រឹកនេះ