Amazon នឹងលក់រថយន្តតាមអនឡាញ
- 2016-11-20 04:15:51
- ចំនួនមតិ 0 | ចំនួនចែករំលែក 0
Amazon នឹងលក់រថយន្តតាមអនឡាញ
ចន្លោះមិនឃើញ
ក្រុមហ៊ុនលក់ទំនិញអនឡាញ Amazon បានសហការជាមួយក្រុមហ៊ុនរថយន្ត Fiat Chrylser លើគម្រោងការលក់រថយន្តតាមអនឡាញជាលើកដំបូង។
យោងតាមសារព័ត៌មាន Reuters ឲ្យដឹងថា Fiat Chrylser នឹងដាក់លក់រថយន្តបីម៉ូដែលរួមមាន Fiat 500, Fiat 500L និង Fiat Panda ដោយលក់នៅលើវិបសាយ Amazon ប្រចាំប្រទេសអ៊ីតាលី ហើយមានតម្លៃទាបជាងតម្លៃតាមហាងលក់បន្តដទៃទៀតដល់ទៅ ៣០%។
សេវាកម្មនេះនឹងមានសម្រាប់តែប្រទេសអ៊ីតាលីប៉ុណ្ណោះ។ បន្ទាប់ពីចុចទិញលើអនឡាញរួច Amazon នឹងទាក់ទងផ្ទាល់ទៅអតិថិជនដើម្បីឲ្យអតិថិជនសម្រេចជ្រើសរើសហាងដែលពួកគេចង់ទៅទិញ ហើយក្នុងពេល ២ សប្ដាហ៍អតិថិជននឹងអាចមកយករថយន្តរបស់ពួកគេបាន។
គេនៅមិនច្បាស់ទេថា Amazon នឹងមានជាស្តុកផ្ទាល់ខ្លួន ឬ គ្រាន់តែដើរតួជាឈ្មួញកណ្ដាលរបស់ក្រុមហ៊ុន Fiat Chrylser៕
ចុចអាន៖ រុស្សីបិទបណ្ដាញដែល Microsoft ចំណាយ ២៦ ពាន់លានដុល្លារទិញយក