សឿន វីតា ប្រាប់វិធីសាស្រ្តបណ្ដុះពុកមាត់បានស្អាត
- 2016-11-28 01:51:20
- ចំនួនមតិ 0 | ចំនួនចែករំលែក 0
សឿន វីតា ប្រាប់វិធីសាស្រ្តបណ្ដុះពុកមាត់បានស្អាត
ចន្លោះមិនឃើញ
កាលពីពេលថ្មីៗនេះតារាសម្តែង សឿន វីតា បានប្រាប់Sabay អំពីវិធីសាស្រ្តធ្វើឲ្យមានពុកមាត់ និងពុកចង្ការដុះចេញមកស្អាត លោកថាត្រូវឧស្សាហ៍កោរវានៅពេលងូតទឹកហើយ។
“បាទអូនបើចង់ឲ្យពុកមាត់ និងពុកចង្កាដុះចេញមកច្រើនហើយស្អាតវិធីសាស្រ្តដែលបងធ្វើនោះគឺបងឧស្សាហ៍កោរវាអូន នៅពេលបងឧស្សាហ៍កោវា រន្ធរោមវានឹងធំហើយដុះមកច្រើនជាងមុនអូន។ មួយទៀតបន្ទាប់ពីកោរួចយើងត្រូវយកប្រេងមកលាបកន្លែងដែលកោរ នោះពុកមាត់ពុកចង្កា នឹងដុះមកច្រើន"។ លោក សឿន វីតា ថ្លែង។
តួអង្គនៅក្នុងរឿង"ម្ទេសហឹលអំបិលប្រៃ" បានបន្តថា នៅពេលដែលពុកមាត់ និងពុកចង្កាដុះមកច្រើនហើយ បើចង់បានម៉ូដស្អាត ត្រូវកោរវាចេញទៅតាមម៉ូដអ្វីដែលចង់បាន។ លោកបន្ថែមថា "ពុកមាត់ និងពុកចង្កាមានអត្ថប្រយោជន៍ជាច្រើនជួយការពារមុខមាត់យើងពី កម្ដៅថ្ងៃមិនឲ្យជាំ អ្វីដែលពិសេសនោះគឺវាជួយការពារមុខយើងមិនឲ្យមានមុន មុខបងមិនដែលមានមុនទេ"។
លោក សឿន វីតា បានបញ្ជាក់ថា កាលពីមុនលោកអត់ដឹងវិធីសាស្ត្រលឺចាស់ៗ ប្រាប់ថាយកប្រេងម៉ាស៊ីនលាបនោះ នឹងរោមនឹងដុះវែងស្អាត ប៉ុន្តែលោកថាកុំឲ្យជឿព្រោះមិនមែនជាការពិតនោះទេ៕