អ្នកជំពាក់លុយមិនសង ទៅបន់អ្នកតាក្រហម ក នៅភ្នំសន្ទុក ច្រើនបានសម្រេច

2016-12-02 09:50:58
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនបំណុលជំពាក់រាប់ឆ្នាំស្ទើរមិនសង គឺម្ចាស់លុយបានទៅបន់ស្រន់ លោកតាក្រហមក នៅភ្នំសន្ទុកស្ថិតនៅក្នុងខេត្តកំពង់ធំ បានសម្រេចស្ទើរគ្រប់គ្នា។ ទន្ទឹមនឹងនេះ អ្នកប៉ងចូចែចូវស្ដីដណ្ដឹងកូនគេ ឬ ចង់លក់ដីដាច់ សុទ្ធតែទៅបន់ស្រន់នៅទីនេះបានដូចសេចក្ដីប្រាថ្នា។ នេះបើតាមការលើកឡើងរបស់ លោកយាយ ម៉ៅ អ្នកថែរក្សាកន្លែងអ្នកតាក្រហមក លើភ្នំសន្ទុក។

*រូបសំណាកអ្នកតាក្រហម ក នៅលើភ្នំសន្ទុក*

លោកយាយ ម៉ៅ បានរៀបរាប់ទៀតថា ថ្វីត្បឹតតែខ្មែរយើងកាន់សាសនាព្រះពុទ្ធក្ដី ប៉ុន្ដែ ព្រហ្មមញ្ញសាសនាក៏មិនចោលដែរ ដូច្នេះ ហើយទើបកូនខ្មែរគ្រប់ជំនាន់តែតែងតែជឿលើការបន់ស្រន់ ជាក់ស្ដែងការមកបួងសួងអ្នកតាក្រហមកនេះ គឺមានភ្ញៀវទេសចរមកបន់ឥតល្ហែរ។

*លោកយាយ ម៉ៅ អាយុជាង ៧០ឆ្នាំ អ្នកថែរក្សាកន្លែងអ្នកតាក្រហម ក*

លោកយាយបានឲ្យដឹងថា ភ្ញៀវទេសចរខ្លះបន់បានសម្រេចក៏ត្រលប់មកធ្វើពិធីលាបំណន់តាមរយៈលេងភ្លេងខ្មែរ ហើយខ្លះទិញស៊ីម៉ងស៍យកមកក៏សាងវត្ត ឬ ទីសក្ការៈ អ្នកតាក្រហមកនេះជាដើម។ តាមរយៈបួងសួងជោគជ័យដូច្នេះ ទើបមានអ្នកមកបន់ស្រន់ច្រើន។ "កូនអើយ! អ្នកមកបន់ច្រើនណាស់ ខ្លះមកបន់ឲ្យការចូលចែចូវបានសម្រេច រកស៊ីមានបាន ប្រលងជាប់ ខ្លះសុំកូនក៏មាន។ ការប្រាថ្នាទាំងអស់ច្រើនបានសម្រេច"។

តាមជំនឿខ្លះយល់ថា អ្នកតាក្រហម ក គឺជាអ្នកតាដែលមានកន្សែងក្រហម រុំជាប់នៅលើ ក ជាកន្សែងដែលមានចារយ័ន្ត ជាភាសាមន្តអាគម រក្សាឬទ្ធិអំណាច និង រាសី របស់ពលរដ្ឋដែលប្រកាន់អំពើល្អ។ ប៉ុន្ដែ លោកយាយ ម៉ៅ បានរៀបរាប់ប្រវត្តិអំពី អ្នកតាក្រហមក ថា គឺជា កំណើតរបស់តេជោមាស។

ចង់ដឹងប្រវត្តិលម្អិតអំពីអ្នកតាក្រហមក និងជុំវិញជំនឿ សូមចុចទស្សនាវីដេអូខាងក្រោម៖