Amazon បង្ហាញបច្ចេកវិទ្យាថ្មី ប្ដូរបែបបទការទិញទំនិញទាំងស្រុង
- 2016-12-06 02:14:35
- ចំនួនមតិ 0 | ចំនួនចែករំលែក 0
Amazon បង្ហាញបច្ចេកវិទ្យាថ្មី ប្ដូរបែបបទការទិញទំនិញទាំងស្រុង
ចន្លោះមិនឃើញ
ក្រុមហ៊ុនលក់ទំនិញយក្ស Amazon ទើបបង្ហាញបច្ចេកវិទ្យាថ្មី ដែលនឹងមកផ្លាស់ប្ដូរបែបបទនៃការទិញទំនិញទាំងស្រុង។
បច្ចេកវិទ្យាថ្មីឈ្មោះថា "Just Walk Out” នឹងធ្វើឲ្យការទិញទំនិញកាន់តែងាយស្រួល។ វាដំណើរការដោយមុនចូលទិញទំនិញនៅហាងណាមួយគ្រាន់យកទូរសព្ទដាក់នៅត្រង់ម៉ាស៊ីនស្កេន រួចចាប់ផ្ដើមប្រតិបត្តិការទិញទំនិញ។
នៅពេលដែលអ្នករើសទំនិញណាមួយបច្ចេកវិទ្យានឹងចាប់យកមុខទំនិញនោះដាក់ចូលក្នុងរទេះទំនិញសិប្បនិម្មិត ហើយបើអ្នកប្ដូរចិត្តថាមិនរើសទំនិញនោះ បច្ចេកវិទ្យានឹងដកយកមុខទំនិញពីរទេះភ្លាម។ ពេលអ្នកទិញរួចរាល់អ្នកអាចដើរចេញពីហាងបានដោយមិនចាំបាច់ឆ្លងកាត់ការគិតលុយ ព្រោះបច្ចេកវិទ្យាឈ្លាសវៃនេះនឹងទូទាត់សាច់ប្រាក់តាមរយៈគណនី Amazon របស់អ្នក។
ចង់ដឹងលម្អិតទស្សនាវីដេអូខាងក្រោម៖
បច្ចុប្បន្ននេះមានតែហាងលក់ទំនិញដែលមានទីតាំងនៅក្រោមការិយាល័យ Amazon តែមួយគត់ដែលអាចប្រើបច្ចេកវិទ្យានេះបាន ហើយមានតែបុគ្គលិក Amazon ប៉ុណ្ណោះមានសិទ្ធចូលទិញ។ ក្រុមហ៊ុនមានគម្រោងថានឹងបើកដំណើរការហាងនេះដល់សាធារណៈជននៅឆ្នាំក្រោយ ប៉ុន្តែមិនបានលើកឡើងពីផែនការពង្រីកសាខាហាងទំនិញនេះឡើយ៕