ខឹងចាញ់យប់មិញ អ្នកគាំទ្រវៀតណាម នាំគ្នាជិះម៉ូតូដេញគប់កញ្ចក់ឡានក្រុមឥណ្ឌូណេស៊ី
- 2016-12-08 02:17:27
- ចំនួនមតិ 0 | ចំនួនចែករំលែក 0
ខឹងចាញ់យប់មិញ អ្នកគាំទ្រវៀតណាម នាំគ្នាជិះម៉ូតូដេញគប់កញ្ចក់ឡានក្រុមឥណ្ឌូណេស៊ី
ចន្លោះមិនឃើញ
ក្រុមអ្នកគាំទ្រវៀតណាម បាននាំគ្នាទៅកប់កញ្ចក់ឡានក្រុមបាល់ទាត់ជម្រើសជាតិឥណ្ឌូណេស៊ី ក្រោយចប់ការប្រកួតកាលពីយប់មិញនេះ ក្រោយពីក្រុមរបស់ខ្លួនប្រកួតចាញ់។
ឥណ្ឌូណេស៊ី បានយកឈ្នះវៀតណាម ៤-៣ (គិតទាំងពីរជើង) នៅវគ្គពាក់កណ្ដាលផ្ដាច់ព្រ័ត្រនេះ ដើម្បីកក់កៅអីឡើងទៅវគ្គផ្ដាច់ព្រ័ត្រពានរង្វាន់AFF Suzuki Cup 2016 ។ ក្រោយពីទទួលបានជោគជ័យនៅកីឡដ្ឋាន My Dinh Stadium មក ក្រុមឥណ្ឌូណេស៊ី បានធ្វើដំណើរត្រលប់ទៅសណ្ឋាគាររបស់ខ្លួនដើម្បីសម្រាកវិញ ប៉ុន្តែក៏ត្រូវក្រុមអ្នកគាំទ្រវៀតណាមវាយឆ្មក់តែម្ដង។
បើតាមសេចក្ដីរាយការណ៍បានឱ្យដឹងថា មានអ្នកគាំទ្រមួយចំនួនជិះម៉ូតូតាមឡានក្រុងរបស់ក្រុមឥណ្ឌូណេស៊ី ហើយក៏បានគប់ដុំថ្មទៅលើឡានក្រុងនោះ បណ្ដាលឱ្យបែកកញ្ចក់ទ្វាឡានមួយកន្លែងផងដែរ។ ភ្លាមនោះ ឡានក្រុងត្រូវបង្ខំចិត្តត្រលប់ទៅកីឡដ្ឋានប្រកួតនោះវិញ ដើម្បីរក្សាសុវត្ថិភាព រង់ចាំឡានថ្មីមកនាំពួកគេទៅវិញ៕