គ្រូធំរបស់ក្លឹបប្រដាល់តាឡី «ផល សោភ័ណ្ឌ នឹងដូររបៀបវ៉ៃថ្មីចុងសប្ដាហ៍នេះ»
- 2016-12-09 04:00:48
- ចំនួនមតិ 0 | ចំនួនចែករំលែក 0
គ្រូធំរបស់ក្លឹបប្រដាល់តាឡី «ផល សោភ័ណ្ឌ នឹងដូររបៀបវ៉ៃថ្មីចុងសប្ដាហ៍នេះ»
ចន្លោះមិនឃើញ
គ្រូធំរបស់ក្លឹបប្រដាល់ តាឡីដំរីមានរិទ្ធិ ថាកីឡាករជើងខ្លាំង ផល សោភ័ណ្ឌ អាចនឹងប្ដូររបៀបវ៉ៃនៅពេលប៉ះជាមួយជើងខ្លាំងថៃ Fashoot Shai លើកទី២នេះ។ ការប្រកួតរបស់ ផល សោភ័ណ្ឌ ធ្វើឡើងនៅថ្ងៃអាទិត្យ ទី១១ ខែធ្នូ ឆ្នាំ២០១៦ នៅសង្វៀនបាយ័នបឹងស្នោ ខាងមុខនេះ។
បើតាមឲ្យដឹងពីព្រឹទ្ធាចារ្យ ញ៉ូវ ម៉ាក់ គ្រូប្រចាំក្លឹបប្រដាល់តាឡីដំរីមានរិទ្ធិ ថាការជួបគ្នាលើកទី២របស់កីឡាករ ផល សោភ័ណ្ឌ ជាមួយជើងខ្លាំង Fashoot Shai លើកនេះអាចនឹងផ្លាស់ប្ដូររបៀបវ៉ៃថ្មីព្រោះអីប្រើក្បាច់ដដែលនោះដៃគូនិងចាប់ក្បាច់បាន។
ព្រឹទ្ធាចារ្យវ័យ ៧៣ ឆ្នាំរូបនេះបន្ថែមទៀតថា ជើងខ្លាំងថៃ Fashoot Shai កាលវ៉ៃជាមួយ ផល សោភ័ណ្ឌ លើកទី១ គឺគេចូលវ៉ៃប្ដូរ ដល់ពេលប្រកួតចុងក្រោយជាមួយកីឡាករ ឡៅ ចន្រ្ទា គេប្ដូររបៀបវ៉ៃទៅជាវ៉ៃតាមបច្ចេកទេសវិញ។ អញ្ចឹងហើយលើកនេះ ផល សោភ័ណ្ឌ ត្រូវតែប្ដូររបៀបសម្លាប់ថ្មីដើម្បីទប់ទល់នឹងក្បាច់របស់ជើងខ្លាំងថៃម្នាក់នេះក្នុងការយកជ័យជម្នះលើកទី២។
លោកគ្រូជើងចាស់សំបូរបទពិសោធន៍រូបនេះនៅតែជឿជាក់ថាកូនសិស្សរបស់ខ្លួននៅតែឈ្នះសម្រាប់ការប្រកួតមួយនេះ។ បើតាមមើលការខំប្រឹងប្រែងហ្វឹកហាត់តឹងរ៉ឹងរាល់ថ្ងៃ បូករួមនិងស្មារតីវ៉ៃឆ្លាតរបស់ សោភ័ណ្ឌ ផងនោះលោកគ្រូសង្ឃឹមច្រើនសម្រាប់ការប្រកួតចុងសប្ដាហ៍នេះ។
ជើងខ្លាំងជួរមុខរបស់កម្ពុជា ផល សោភ័ណ្ឌ ធ្លាប់ផ្ដួល Fashoot Shai ឲ្យសន្លប់ទឹកទី៣ ក្រោកលេងរួចម្ដងមកហើយ។ ពួកគេទាំងពីរនឹងត្រូវប្រកួតគ្នាម្ដងទៀតនៅថ្ងៃអាទិត្យ ទី ១១ ខែធ្នូ ឆ្នាំ២០១៦ខាងមុខនេះក្នុងវគ្គពាក់កណ្ដាលផ្ដាច់ព្រ័ត្រនៃខ្សែក្រវាត់ Kubota ទម្ងន់ ៦៣.៥ គីឡូក្រាម។ ក្រៅពីអ្នកទាំងពីរនេះក៏មានការប្រកួតវគ្គពាក់កណ្ដាល១គូទៀតដែររវាងកីឡាករ ឡៅ ចន្រ្ទា និង Dern Chhunlek ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
