អនុប្រធាន E-Sport ពន្យល់អត្ថប្រយោជន៍ក្លឹបដែលចូលជាសមាជិកសហព័ន្ធ
- 2016-12-09 07:05:28
- ចំនួនមតិ 0 | ចំនួនចែករំលែក 0
អនុប្រធាន E-Sport ពន្យល់អត្ថប្រយោជន៍ក្លឹបដែលចូលជាសមាជិកសហព័ន្ធ
ចន្លោះមិនឃើញ
ឯកឧត្ដម ជា ច័ន្ទបរិបូរណ៍ អនុប្រធានសហព័ន្ធកីឡាអេឡិចត្រូនិកកម្ពុជា (E-Sport) បានបង្ហាញពីអត្ថប្រយោជន៍ សម្រាប់ក្លឹបដែលចូលរួមជាសមាជិករបស់សហព័ន្ធកាលពីព្រឹកមិញនេះនៅក្រសួងព័ត៌មាន ដោយមានក្លឹបចំនួន ១២បានចូលរួមស្ដាប់។
ឯកឧត្ដមបានឲ្យដឹងថា គ្រប់ក្លឹបដែលចូលរួមជាសមាជិករបស់សហព័ន្ធ នឹងទទួលបានអត្ថប្រយោជន៍ជាច្រើន ពិសេសគឺអាចបើកក្លឹបកីឡាអេឡិចត្រូនិកមួយដោយស្របច្បាប់។ កាលពីពេលកន្លងទៅសហព័ន្ធបានធ្វើសេចក្ដីស្នើទៅកាន់ក្រសួងអប់រំយុវជន និងកីឡាម្ដងហើយ ស្ដីពីការទទួលស្គាល់ក្លឹបដែលស្ថិតក្រោមការដឹកនាំរបស់សហព័ន្ធ។
លោកបញ្ជាក់ពីអត្ថប្រយោជន៍សម្រាប់ក្លឹបមានដូចខាងក្រោម៖
-ទទួលបានវិញ្ញាបនបត្រជាសមាជិកស្របច្បាប់ពីសហព័ន្ធ
-ក្លាយជាសមាជិកស្របច្បាប់របស់សហព័ន្ធ
-អាចលើកស្លាកឈ្មោះក្លឹបរបស់ខ្លួនបាន
-អាចទទួលសមាជិករបស់ខ្លួនបាន (កីឡាករ ទីប្រឹក្សា មន្ត្រីបច្ចេកទេស)
-សមាជិកក្លឹបត្រូវបង់ថវិកាវិភាគទានចំនួន ៦ពាន់រៀលដល់ក្លឹបដែលមានសុពលភាព ១ឆ្នាំ
-អាចរៀបចំការប្រកួតជ្រើសរើសជើងឯកប្រចាំក្លឹបរបស់ខ្លួនបាន
-ក្លឹបមានសិទ្ធបញ្ជូនអត្តពលិក (សមាជិក) របស់ខ្លួនចូលរួមប្រកួតថ្នាក់រាជធានី-ខេត្ត
លក្ខណៈក្នុងការចូលជាសមាជិកក្លឹប៖
-លិខិតអនុញ្ញាតបើកអាជីវកម្មមួយច្បាប់
-លិខិតទទួលស្គាល់ពីអាជ្ញាធរដែនដី
-កិច្ចសន្យាមួយច្បាប់ (សហព័ន្ធមាន)
-ក្លឹបត្រូវមានឈ្មោះ ( ឡូហ្គោផ្ទាល់ខ្លួន)
-ក្លឹបត្រូវបង់ប្រាក់សមាជិក ២៤ម៉ឺនរៀល
-ក្លឹបមួយត្រូវមានកុំព្យូទ័រយ៉ាងតិច ២០ គ្រឿង
-ទីតាំងក្លឹបមិនអនុញ្ញាតអោយមានការបិទបាំងឡើយ
-មិនអនុញ្ញាតអោយជក់បារីក្នុងបរិវេណប្រកួត
-ត្រូវបិទស្លាក ឯកសណ្ឋានសិស្ស មិនឲ្យចូលលេង