ល្បីបាត់! Taylor Swift និង Zayn ចេញបទរួមគ្នាសម្រាប់រឿង “Fifty Shades Darker”

2016-12-09 07:24:27
ចំនួនមតិ 0 | ចំនួនចែករំលែក 0

ចន្លោះមិនឃើញ

បាត់មុខអស់រយៈពេលយូរ Taylor Swift បានកក្រើកពិភពលោកម្ដងទៀតជាមួយនឹងបទចម្រៀងថ្មីដ៏សិចស៊ីសម្រាប់រឿង “Fifty Shades Darker” ដែលជារឿងកំពុងតែទទួលបានការចាប់អារម្មណ៍ពីសំណាក់ទស្សនិកជនជាច្រើន។ អ្វីដែលកាន់តែពិសេសជាងនេះទៅទៀត Zayn បានចូលរួមច្រៀងជាមួយ Taylor Swift ក្នុងបទក្រោមចំណងជើងថា "I don't want to live forever”។

បន្ទាប់ពី Taylor Swift បានបង្ហោះ Teaser បទថ្មីនេះទៅលើបណ្ដាញសង្គមនានាដូចជា Facebook, Instagram និងTwitter គេឃើញ Gigiដែលជាមិត្តស្រីរបស់ Zayn ហើយក៏ជាមិត្តល្អជាមួយTaylor ផងនោះបានបង្ហាញការគាំទ្រទៅលើតារាទាំង២ដួងដោយបានបង្ហោះគ្របរូបបទ "I don't want to live forever” ទៅលើ Twitter របស់នាង។ ក្នុងនោះដែរ គេឃើញមាន Lena Dunham បានសម្ដែងសេចក្ដីរំភើបចំពោះការចេញបទនេះ ព្រោះមិត្តប្រុសរបស់នាង Jack Antonoff បានចូលរួមចំណែកតាក់តែងនិពន្ធបទ "I don't want to live forever” ជាមួយនឹង Sam Dew ព្រមទាំងTaylor Swift ហើយរឹតតែអស្ចារ្យ Zayn ក៏មានសំនៀងនៅក្នុងនោះទៀត។

ចំណែកភាពយន្ត “Fifty Shades Darker” ដែលសម្ដែងដោយ Jamie Dornan និង Dakota Johnson នឹងធ្វើការចាក់បញ្ចាំងក្នុងរោងកុនចាប់ពីថ្ងៃទី១០ខែកុម្ភៈឆ្នាំ២០១៧ ខាងមុខនេះ ៕