ការងារសង្គមរួមចំណែកឲ្យស្ត្រីខ្មែរ១រូប ទទួលបានពានរង្វាន់ ពីប្រទេសចិន
- 2016-12-09 09:23:38
- ចំនួនមតិ 0 | ចំនួនចែករំលែក 0
ការងារសង្គមរួមចំណែកឲ្យស្ត្រីខ្មែរ១រូប ទទួលបានពានរង្វាន់ ពីប្រទេសចិន
ចន្លោះមិនឃើញ
ស្ត្រីខ្មែរ ១រូប បានទទួលពានរង្វាន់ ក្នុងវេទិកាអ្នកដឹកនាំស្ត្រីវ័យក្មេង ពីទីក្រុងប៉េកាំង ប្រទេសចិន នាពេលថ្មីៗកន្លងទៅនេះ។
ពានរង្វាន់ចំនួន៧ របស់ក្រុមហ៊ុនផ្សព្វផ្សាយដ៏ធំរបស់ប្រទេសចិន ត្រូវបានប្រគល់ជូន ស្ត្រីឆ្នើមក្នុងវិស័យនានាជាច្រើន ជាពិសេសអ្នកមកពីវិស័យជំនួញ។
កញ្ញា ខែក ខេមរ៉ាត ជាស្ត្រីខ្មែរដែលទទួលបានពានរង្វាន់ ឈ្មោះ Rising Star Award ខាងលើ បានប្រាប់ថា មូលហេតុ ខ្លួនត្រូវបានជាប់ឈ្មោះជ្រើសរើសទទួលពានរង្វាន់ខាងលើនោះ គឺដោយមានការវាយតម្លៃ លើភាពជោគជ័យក្នុងអាជីវកម្ម ចំណេះដឹង និងកិច្ចការងារមនុស្សធម៌របស់ខ្លួន។
កញ្ញា ខែក ខេមរ៉ាត ដែលជា នាយិកា និងស្ថាបនិកនៃក្រុមហ៊ុន ប្លូ មេឌា ហ្វីម ខេមបូឌា បានបន្ថែមថា តាមរយៈការងារមនុស្សធម៌ បានចូលរួមចំណែកធ្វើឲ្យ កញ្ញា ទទួលបានពានរង្វាន់នោះ។ ជាក់ស្ដែង គឺការបរិច្ចាគប្រាក់ចំណូល ៥% របស់ក្រុមហ៊ុនផ្ទាល់ ជួយទៅដល់ក្មេងកំព្រាក្រីក្រ ចាស់ៗគ្មានទីលំនៅ តាមការជូនជាអំណោយផ្សេងៗ។
គួររំលឹកផងដែរថា ពានរង្វាន់ Rising Star Award ខាងលើត្រូវបានរៀបចំដោយ ក្រុមហ៊ុន Caixin ជាប្រព័ន្ធផ្សព្វផ្សាយធំមួយរបស់ប្រទេសចិន ផ្ដោតសំខាន់ទៅលើការងារមុខជំនួញ និងនយោបាយ។ ក្រៅពីពានរង្វាន់នោះ ក៏មានពានរង្វាន់ Outstanding Women Award ផ្ដល់ជូនជ័យលាភីស្ត្រីឆ្នើមលេចធ្លោផងដែរ។