Fino 017 ចេញលក់ស្ងាត់ៗលើទីផ្សារ

2016-12-13 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាក់មិនសូវមានព័ត៌មានផ្សព្វផ្សាយច្រើន Yamaha ថ្មីៗនេះស្រាប់តែបញ្ចេញម៉ូតូ Fino 017 ស្ងាត់ៗលើទីផ្សារ។ មើលរូបរាង Fino 017 ស៊េរីថ្មីនេះ មិនមានការផ្លាស់ប្តូរច្រើនទេ បើធៀបស៊េរី ០១៦។

Fino 017 នៅតែបំពាក់ជាមួយបច្ចេកវិទ្យា Blue-Core ជាបច្ចេកវិទ្យាម៉ាស៊ីនជំនាន់ថ្មី ដែល Yamaha បានអភិវឌ្ឍនិងយកទៅប្រើនៅលើម៉ូតូស៊េរីថ្មីៗមួយចំនួនដូចជា Fino, Grand Filano និង FZ-Fi។ វាបានរចនាជាមួយពណ៌ខាងក្រៅធន់ការពារការស្លក និងអំពូលចង្កៀងគុជខាងមុខស្រស់ស្អាតអាចបញ្ចេញពន្លឺបានច្បាស់ល្អ។

ចំណែកកុងទ័រមានការបែងចែកដាច់រវាងកុងទ័រល្បឿន និងសាំងដាច់ដោយឡែកពីគ្នា។

Fino 017 បានអភិវឌ្ឍបច្ចេកវិទ្យាសោឆ្លាតវៃ និងតេឡេបញ្ជាដែលអាចស្វែងរកទីតាំងយ៉ាងងាយស្រួល។

តាមបុគ្គលិកក្រុមហ៊ុន Yamaha មួយរូបដឹងថា Fino 2017 ទើបតែមកដល់ទីផ្សារប៉ុន្មានថ្ងៃមុននេះ ដោយមិនទាន់មានសម្ពោធជាផ្លូវការទេ។

Fino ធ្លាប់ជាស៊េរីម៉ូតូដ៏ពេញនិយមមួយកាលពីប៉ុន្មានឆ្នាំមុននេះ មុនពេលដែលវាធ្លាក់ប្រជាប្រិយភាពក្រោយការបង្ហាញមុខហុងដាស្កុបពី។

អ្នកប្រើប្រាស់ជាច្រើនលើកឡើងពីបញ្ហាស៊ីសាំង ដែលធ្វើឲ្យម៉ូតូ Yamaha Fino បាត់បង់ការគាំទ្រពីអតិថិជន។ យ៉ាងណា ចាប់តាំងពីស៊េរី 016 ក្រុមហ៊ុន Yamaha បានអភិវឌ្ឍបច្ចេកវិទ្យាថ្មីដែលធ្វើឲ្យ Fino ស៊ីសាំងតិចជាងមុន ដើម្បីឆ្លើយតបការចង់បានអតិិថិជន និងដើម្បីស្តារកេរ្តិ៍ឈ្មោះម៉ូតូ Fino របស់ខ្លួនឡើងវិញលើទីផ្សារអ្នកប្រើប្រាស់៕