លើកដំបូងក្នុងជីវិត សាឡាត់ ស្រីឡាង ទើបបានចេញទៅបរទេស

2016-12-14 06:54:49
ចំនួនមតិ 0 | ចំនួនចែករំលែក 0

ចន្លោះមិនឃើញ

សាឡាត់ ស្រីឡាង បានប្រាប់ Sabay ថាជាលើកទី១ក្នុងជីវិតនាង ដែលមានឱកាសបានចេញទៅក្រៅប្រទេស ដែលទៅលើកដំបូងនេះតាមរយៈការអញ្ជើញរបស់ក្រុមហ៊ុនគ្រឿងសម្អាង ឲ្យទៅសម្ពោធផលិតផលមួយ នៅប្រទេសថៃ។

“បើនិយាយទៅនេះគឺជាលើកទី១សម្រាប់នាងខ្ញុំដែលមានឱកាសចេញទៅក្រៅប្រទេស ពិតជារំភើប ការចេញទៅនេះគឺក្រុមហ៊ុនថៃដែលមានតំណាងចែកចាយគ្រឿងសម្អាងផលិតផល Mille នៅកម្ពុជាជាអ្នកអញ្ជើញនាងខ្ញុំ។ ខ្ញុំទៅរយៈពេល៣ថៃបងគឺថ្ងៃទី១៤ ដល់ថ្ងៃទី១៦" ។ សាឡាត់ ស្រីឡាង ថ្លែង។

តួឯកស្រីនៅក្នុងរឿង "ទីបញ្ចប់នៃស្នេហ៍" ខាងលើបានបន្តថា ការចេញទៅសម្ពោធគ្រឿងសម្អាងឲ្យផលិតផលខាងលើមានវត្តមាននាងតែម្នាក់គត់ដែលតំណាងឲ្យកម្ពុជា។ "ច៎ាសបងចំពោះការទៅចូលរួមសម្ពោធគ្រឿងសម្អាងនៅប្រទេសថៃនេះ មានបណ្តាប្រទេសជាច្រើននៅក្នុងតំបន់អាស៊ីមានប្រទេសភូមា ថៃ វៀតណាម ឡាវ និងប្រទេសមួយចំនួនទៀតបង"។ ស្រីឡាង បន្ថែម។

សាឡាត់ ស្រីឡាង បញ្ជាក់ថា មូលហេតុដែលតំណាងចែកចាយក្រុមហ៊ុនគ្រឿងសម្អាងថៃប្រចាំនៅកម្ពុជាជ្រើសរើសនាងឲ្យទៅចូលរួមសម្ពោធគ្រឿងសម្អាងនៅប្រទេសថៃ ដោយសារតែខាងក្រុមហ៊ុនគិតថា ស្រីឡាង មានរូបសម្រស់ស្រស់ស្អាតទាំងកំពស់ និងរូបរាង៕

អត្ថបទ៖ ឆុង ស៊ីណាន