អ្នកគាំទ្រ៖ "សុខ សោម៉ាវត្តី ជាកំពូលតារាស្រីប្រចាំឆ្នាំ២០១៦"

2016-12-21 02:47:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ល្ងាចមិញនៅរោងភាពយន្ត លេជេន ស្ទឹងមានជ័យក្នុងពិធីសម្ពោធរឿង "សួស្ដីលោកគ្រូកំលោះ" ដែលជាភាពយន្តថ្មីមួយទៀតរបស់ផលិតកម្ម មហាហង្ស ដោយភ្លាមៗនោះអ្នកគាំទ្រមួយចំនួនធំបានលើកឡើងថាតួឯកស្រីសម្តែងដោយ សុខ សោម៉ាវត្តី គឺជាតារាស្រីប្រចាំ ឆ្នាំ២០១៦ នេះ។

អ្នកគាំទ្រនិយាយថា សុខ សោម៉ាវត្តី បានគ្រងតំណែងតួឯកក្នុងរឿងខ្នាតធំល្បីៗមិនតិចជាង ៥ រឿងនោះទេក្នុងឆ្នាំនេះ ដែលធ្វើឲ្យប្រជាប្រិយភាព និង ទេពកោសល្យរបស់នាងកាន់តែលេចធ្លោ រួមទាំងសម្រស់ដ៏ស្រស់ស្អាតរបស់នាងទៀតនោះ នាងគួរតែទទួលបានការសរសើរថាជា "តារាស្រីប្រចាំឆ្នាំ"។

ចំណែកឯអ្នកតំណាងឲ្យរោងភាពយន្ត លេជេន បានលើកឡើងថា រឿងរបស់អ្នកនាង សុខ សោម៉ាវត្តី ភាគច្រើនសុទ្ធតែរឿង ដែលរកចំណូលបានច្រើនប្រចាំឆ្នាំជាក់ស្ដែងរឿង "ទង់ព្រលឹង" “សិស្សប្អូនសំណព្វចិត្ត" និង "អ្នកនាងម្ចាស់ឡឺកឺ" ជាដើម ដូច្នេះហើយបើអ្នកគាំទ្រលើកឡើង ដូច្នេះខាងរោងកុនក៏ទទួលស្គាល់ពីសមត្ថភាពនិងទេពកោសល្យរបស់នាងដូចគ្នា ហើយនាងគួរតែទទួលបានពាក្យថា "តារាស្រីប្រចាំឆ្នាំ" មែន។

ភ្លាមៗនោះសាមីខ្លួន សុខ សោម៉វត្តី បានឆ្លើយតបវិញថា "ខ្ញុំរំភើបមែនទែនពេលឮពាក្យនេះ ខ្ញុំសប្បាយចិត្ត ពេលពួកគាត់ផ្ដល់តម្លៃ និងការស្រលាញ់ចំពោះការងារខ្ញុំ"។ នាងបន្ថែមថានាងនឹងខិតខំប្រឹងប្រែងបន្ថែមសម្រាប់រឿងក្រោយៗទៀត ហើយរឿងថ្មី "សួស្ដីលោកគ្រូកំលោះ" ដែលនាងសហការជាមួយ ជា សុវណ្ណនរាហ៍ នឹងចាក់បញ្ចាំងនៅថ្ងៃទី២២ ខែធ្នូនេះហើយគ្រប់រោងភាពយន្តទំនើបក្នុងប្រទេសកម្ពុជា៕

ទស្សនាការបកស្រាយបន្ថែមពី សុខ សោម៉ាវត្តី៖