ផ្លូវល្បឿនលឿនពីភ្នំពេញទៅខេត្តព្រះសីហនុត្រឹម ២ម៉ោង នឹងសាងសង់ឆាប់ៗនេះ

2016-12-21 07:04:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្លែងក្នុងពិធីសំណេះសំណាលជាមួយកម្មករកម្មការិនី និយោជិក របស់ភ្នាក់ងារកម្ពុជានាវាចរណ៍កាំសាប (KAMSAB) នៅថ្ងៃទី២១ ខែធ្នូ ឆ្នាំ២០១៦ នេះ ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិងដឹកជញ្ជូន បានមានប្រសាសន៍ថាផ្លូវល្បឿនលឿនពីភ្នំពេញទៅខេត្តព្រះសីហនុចំណាយពេលត្រឹម ២ម៉ោង នឹងចាប់ផ្ដើមដំណើរការសាងសង់ក្នុងពេលឆាប់ៗនេះ។

ឯកឧត្ដម ស៊ុន ចាន់ថុល បានបញ្ជាក់ថា ផ្លូវល្បឿនលឿននេះនឹងត្រូវចំណាយថវិកា ប្រមាណ១៩០០លានដុល្លារអាមេរិក។ គម្រោងនេះកំពុងតែពិភាក្សាជាមួយក្រុមហ៊ុនចិន ដែលជាអ្នកទទួលខុសត្រូវលើការសាងសង់។ ផ្លូវល្បឿនលឿនទីមួយរបស់កម្ពុជាគឺនឹងសាងសង់ពីរាជធានីភ្នំពេញ ទៅកាន់ខេត្តព្រះសីហនុ ដែលក្នុងគម្រោងបន្ថយនៅត្រឹមប្រវែងជាង ១៩០គីឡូម៉ែត្រ អាចធ្វើដំណើរត្រឹមរយៈពេល២ម៉ោងប៉ុណ្ណោះ។

ឯកឧត្ដមបានបញ្ជាក់ទៀតថា អ្នកធ្វើដំណើរតាមផ្លូវល្បឿនលឿននេះ មិនត្រឹមតែចំណេញពេលវេលា កាត់បន្ថយការកកស្ទះចរាចរណ៍ប៉ុណ្ណោះទេ ប៉ុន្តែថែមទាំងមានសុវត្ថិភាពខ្ពស់ទៀតផង។ ហើយអ្នកធ្វើដំណើរទាំងអស់ កុំបារម្ភមានគោក្របីឆ្លងកាត់ ព្រោះផ្លូវនេះបិទរបងជិត និងមានប្រព័ន្ធបច្ចេកវិទ្យាទំនើបដែលក្រុមហ៊ុនចិនកំពុងសិក្សា៕