Barcelona ស៊ីក្រុមលីគលំដាប់ទី៣ Hercules គ្មានប្រណី ៧-០
- 2016-12-22 03:04:26
- ចំនួនមតិ 0 | ចំនួនចែករំលែក 0
Barcelona ស៊ីក្រុមលីគលំដាប់ទី៣ Hercules គ្មានប្រណី ៧-០
ចន្លោះមិនឃើញ
ក្រុមការពារដំណែងជើងឯក FC Barcelona បានបំបាក់ Hercules មកពីក្របខ័ណ្ឌលីគលំដាប់ទី៣ ក្នុងលទ្ធផល ៧-០ ក្នុងកម្មវិធី Copa del Rey។
កាលពីជើងទី១ក្រុមទាំង២ស្មើគ្នា ១-១ ប៉ុណ្ណោះតែបើទោះជាយប់មិញគ្មានវត្តមាន Lionel Messi, Luis Suarez និងNeymar ក៏ Barcelona បានទទួលជ័យជម្នះយ៉ាងចាស់ដៃដើម្បីកក់កៅអីទៅវគ្គ១៦ក្រុមចុងក្រោយ។
ក្រោមក្រសែភ្នែកទស្សនិកជនជាង៦ម៉ឺននាក់ នៅវគ្គទី១ម្ចាស់ផ្ទះស៊ុតបញ្ចូលទីគ្រាប់ទី១បានសម្រេចនៅនាទី ៣៧ដោយខ្សែការពារវ័យក្មេងសញ្ជាតិបារាំង Lucas Digne មុនពេលដែល Rakitic បន្ថែមគ្រាប់ទី២ដោយការទាត់បាល់ប៉េណាល់ទីនាទី ៤៥។
ចូលដល់វគ្គទី២ក្រុមលោក Luis Enrique មិនបានបន្ថយការវាយសម្រុកនោះទេហើយបន្ថែម៥គ្រាប់ទៀតដោយកីឡាករ Rafinha នាទី៥០, Turan ៣គ្រាប់ម្នាក់ឯងនៅនាទី ៥៥, ៨៦, ៨៩ និង Alcácer នាទី៧៣៕