តារា២រូប ទទួលស្គាល់ថាខ្លួនចម្លងស្ទីលតារាបរទេស

2016-12-27 03:05:59
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងក្នុងស្រទាប់យុវវ័យ២រូប ដែលហ៊ានសារភាពថាខ្លួនចម្លងស្ទីលតុបតែងខ្លួនតាមតារាបរទេស ជាក់ស្តែងគឺតារាកូរ៉េតែម្តង ហើយភាពក្លាហានក្នុងការសារភាពនេះធ្វើឲ្យអ្នកគាំទ្រមួយចំនួនធំ សរសើរថាពួកគេហ៊ានទទួលស្គាល់ការពិត ក្នុងការបញ្ចេញអ្វីដែលខ្លួនស្រលាញ់មកដោយមិនព្យាយាមលាក់បាំង។

តារាចម្រៀង២រូបខាងក្រោមនេះដែលក្លាហានហ៊ានទទួលស្គាល់ការពិត៖

១. តារាចម្រៀងវ័យក្មេង ទេព បូព្រឹក្ស នាងលើកឡើងថា នាងទទួលស្គាល់ថាខ្លួនបានចម្លងស្ទីលស្លៀកពាក់និងស្ទីលតុបតែងខ្លួន មួយចំនួនទៀតរបស់អតីតមេក្រុមចម្រៀង 2NE1 គឺ CL ព្រោះ CL គឺជាតារាក្នុងដួងចិត្តរបស់នាង។ ម្ចាស់បទ "Bad Wonder Women” បន្តទៀតថា អ្វីដែលនាងចូលចិត្តធ្វើតាមម្ចាស់បទ "Baddest Female” គឺការប្ដូរពណ៌សក់ ហើយចំណុចទាំងអស់នេះអ្នកគាំទ្ររបស់នាងសុទ្ធតែយល់ពីនាងដូចគ្នា។

២. តារាចម្រៀងក្នុងចិត្តយុវវ័យ G-Devith ក៏ធ្លាប់បានប្រាប់ត្រង់ៗថា ខ្លួនចូលចិត្តស្ទីលគ្រប់យ៉ាងរបស់ G-Dragon មិនថាទាំងស្ទីលសាក់ ការស្លៀកពាក់ ការប្ដូរពណ៌សក់ ទាំងសិល្បៈនៃការរ៉េប គឺម្ចាស់បទ "No Smoke” តែងតែមានទំនោរទៅរកមេក្រុមចម្រៀងកំពូលរបស់កូរ៉េ BIGBANG ដែរ។ ហើយគ្រប់ស្ទីលរបស់ ម្ចាស់បទ"រាំញីកែងជើង" គឺអ្នកគាំទ្ររបស់លោកតែងតែយល់ពីលោកជានិច្ច៕