ម្ចាស់មេដាយមាសស៊ីហ្គេម ស្លាប់បន្សល់បំណុល ៥ពាន់ដុល្លារឲ្យកូនសងជំនួស
- 2017-01-03 04:06:41
- ចំនួនមតិ 0 | ចំនួនចែករំលែក 0
ម្ចាស់មេដាយមាសស៊ីហ្គេម ស្លាប់បន្សល់បំណុល ៥ពាន់ដុល្លារឲ្យកូនសងជំនួស
ចន្លោះមិនឃើញ
លោកស្រី ណុល កាន ជាអតីតកីឡាការិនីអត្តពលកម្ម ដែលបានឈ្នះមេដាយមាសស៊ីហ្គេមលើកទី៣ នៅឆ្នាំ១៩៦៥ លើប្រភេទកីឡាចោលស្ន បានទទួលមរណភាព និងគ្រោងធ្វើបុណ្យ៧ថ្ងៃ នៅថ្ងៃអង្គារ ទី៤ ខែមករា។ លោកស្រីបានបន្សល់ទុកបំណុល៥ពាន់ដុល្លារអាមេរិកឲ្យកូន និងចៅសងជំនួស។
តាមប្រភពច្បាស់ការបានឲ្យដឹងថា បំណុលដែលជំពាក់នោះគឺខ្ចីលុយគេមកសាងសង់ផ្ទះ ប៉ុន្តែពេលនេះលោកស្រីបានទទួលមរណភាពដោយទុកបំណុលឲ្យកូន និងចៅដែលនៅរស់ជាអ្នកទទួលបន្ទុកវិញ។ បច្ចុប្បន្នកូន និងក្រុមគ្រួសារនៃសពកំពុងស្វែងរកប្រាក់ធ្វើបុណ្យគម្រប់ ៧ថ្ងៃ នៅថ្ងៃទី៤ មករា នៅ ភូមិសេកយា ឃុំ អង្គតាសោម ស្រុក ត្រាំកក់ ខេត្តតាកែវ ។ គ្រួសារនៃសព ក៏បានអំពាវនាវសប្បុរសជនទាំងអស់ មេត្តាជួយគ្រួសាររបស់អតីតកីឡាការិនីឆ្នើមរបស់កម្ពុជាម្នាក់នេះផង។
ព្រឹត្តិការណ៍កីឡាស៊ីហ្គេមលើកទី៣ នៅឆ្នាំ១៩៦៥ នោះគឺធ្វើឡើងនៅទីក្រុងកូឡាឡាំពួរ ប្រទេសម៉ាឡេស៊ីចន្លោះពីថ្ងៃទី១៤ ដល់ថ្ងៃទី២១ ខែធ្នូ ឆ្នាំ១៩៦៥៕