ចម្លែកមែន! កូនភ្លោះ២នាក់ កើតចេញពីផ្ទៃម្ដាយតែមួយ តែថ្ងៃខែឆ្នាំខុសគ្នា
- 2017-01-04 00:53:23
- ចំនួនមតិ 0 | ចំនួនចែករំលែក 0
ចម្លែកមែន! កូនភ្លោះ២នាក់ កើតចេញពីផ្ទៃម្ដាយតែមួយ តែថ្ងៃខែឆ្នាំខុសគ្នា
ចន្លោះមិនឃើញ
កូនភ្លោះប្រុស២នាក់ មានឈ្មោះថា Sawyer និង Everett បានស្នាក់នៅ និងលូតលាស់ នៅក្នុងផ្ទៃម្ដាយតែមួយជាមួយគ្នា អស់រយៈពេល ជាង៩ខែ ប៉ុន្តែបែរជាកើតមកមានថ្ងៃខែឆ្នាំកំណើត ខុសគ្នាទៅវិញ។
លោក Brandon Shay និងអ្នកស្រី Holly ដែលជាម្ដាយឪពុករបស់កូនភ្លោះខាងលើ មានការភ្ញាក់ផ្អើល និងសប្បាយចិត្តយ៉ាងខ្លាំង បន្ទាប់ពីទទួលបានកូនប្រុសភ្លោះ២នាក់ ដែលមានថ្ងៃខែឆ្នាំកំណើតខុសគ្នា ដោយសារតែការមកដល់នៃថ្ងៃចូលឆ្នាំថ្មី ដោយចៃដន្យ និងមិនបានព្រាងទុក។
អ្នកស្រី Holly មកពីទីក្រុង Glendale រដ្ឋ Arizona សហរដ្ឋអាមេរិក បានស្នាក់នៅក្នុងមន្ទីរពេទ្យ ដើម្បីឆ្លងទន្លេអស់រយៈពេល ៦ម៉ោង។ នៅវេលាម៉ោង ១១ និង ៥១នាទីយប់ ថ្ងៃទី៣១ ខែធ្នូ ឆ្នាំ២០១៦ Sawyer ក៏បានកើតចេញមក។
«ខ្ញុំចង់ប្រាកដចិត្តថា Sawyer មិនមានកើតអី ហើយពួកគេបន្តរំលឹកខ្ញុំ ឲ្យខ្ញុំប្រឹងតទៀត»។ អ្នកស្រី Holly បានប្រាប់យ៉ាងដូច្នេះ។ មិនយូរប៉ុន្មាន ក្រោយរំលងអាធ្រាត្របាន ១នាទី ឈានចូលថ្ងៃទី១ ខែមករា ឆ្នាំ២០១៧ Everett ក៏បានកើតចេញមកដែរតែម្តង។
ទោះបីជាយ៉ាងណា កូនភ្លោះដែលកើតមក មានថ្ងៃខែឆ្នាំកំណើតខុសគ្នាបែបនេះ មិនមែនទើបតែកើតមានជាលើកដំបូងឡើយ តែវាធ្លាប់កើតមានជាច្រើនលើកច្រើនសាររួចមកហើយ ដូចជា នៅក្នុងប្រទេសចិនជាដើម៕