ចាន់ វឌ្ឍនាកា ឈរលេខ២ក្នុងចំណោម Super Stars ៥រូបប្រចាំតំបន់អាស៊ានអាចលេងនៅលីគថៃបាន

2017-01-04 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីសហព័ន្ធបាល់ទាត់ថៃបានចេញគោលការណ៍ថ្មីមួយដោយតម្រូវឲ្យក្លឹបនៅលីគកំពូល និងលីគលំដាប់ទី២របស់ខ្លួនចុះកុងត្រាយកកីឡាករពីតំបន់អាស៊ាន១រូបក្នុងចំណោមកូតាកីឡាករបរទេស៥រូប ប្រព័ន្ធផ្សព្វផ្សាយបានចាប់អារម្មណ៍ឃើញកីឡាករ៥រូបនៅតំបន់អាស៊ីអាគ្នេយ៍ដែលមានសមត្ថភាពលេងនៅលីគកំពូលថៃបាន។ Sabay បង្ហាញព័ត៌មានខ្លីៗពីកីឡាករទាំង៥នាក់នេះដែលស្រង់ចេញពី fourfourtwo។

១- ខ្សែប្រយុទ្ធ Javier Patino

ខ្សែប្រយុទ្ធជម្រើសជាតិហ្វីលីពីនកាត់អេស្ប៉ាញ Patino ធ្លាប់បង្ហាញខ្លួននៅទឹកដីថៃគឺក្លឹប Buriram ម្តងហើយកាលពីឆ្នាំ២០១២ និងឆ្នាំ២០១៣ បានជួយឲ្យក្លឹបមួយឈ្នះពានលីគថៃ។ រូបគេបានផ្លាស់ទៅលេងឲ្យក្លឹបលីគកំពូលចិន Henan Jianye ក្នុងតម្លៃទឹកប្រាក់១,១៤លានដុល្លារអាមេរិក។ ចំពោះការបង្ហាញខ្លួនឲ្យ Henan Jianye រដូវកាលដំបូងរកបាន១១គ្រាប់ និងរកបាន១៧គ្រាប់សម្រាប់ឆ្នាំ២០១៦កន្លងទៅនេះ។ រូបគេកំពុងតែរីករាយនៅទឹកដីចិន ដូច្នេះមិនប្រាកដថា រូបគេអាចវិលត្រឡប់មកថៃវិញឬយ៉ាងណាទេ។ តារាវ័យ២៨ឆ្នាំនេះនឹងក្លាយជាមុខសញ្ញាសម្រាប់កូតាកីឡាករអាស៊ានរបស់ក្លឹបលីគថៃ។

២- ចាន់ វឌ្ឍនាកា

ចាន់ វឌ្ឍនាកា ជាខ្សែប្រយុទ្ធរបស់ក្រុមបឹងកេតអង្គរ ដែលកំពុងតែមានប្រជាប្រិយភាពខ្លាំងណាស់។ កីឡាករដើមកំណើតនៅខេត្តកំពតរូបនេះ មិនត្រឹមតែមានក្លឹបនៅថៃចង់បាននោះទេ សូម្បីតែក្លឹបនៅលីគជប៉ុនក៏ធ្លាប់អញ្ជើញរូបគេទៅធ្វើតេស្ដ ហាត់សមលេងផងដែរ។ យ៉ាងណាមិញ អនាគតរបស់កីឡាករម្នាក់នេះនៅមិនទាន់ប្រាកដនៅឡើយទេ។

៣ - Irfan Bachdim

ខ្សែប្រយុទ្ធឥណ្ឌូណេស៊ីកាត់ហុល្លង់ Irfan Bachdim បានជួយឲ្យក្រុមជម្រើសជាតិរបស់ខ្លួនឡើងវគ្គផ្តាច់ព្រ័ត្រពានរង្វាន់ AFF Suzuki Cup ឆ្នាំ២០១៦ ប៉ុន្តែចាញ់ថៃដោយទទួលបានត្រឹមជើងឯករង។ តារារូបនេះធ្លាប់មានមហិច្ឆតាទៅតេស្តនៅក្លឹប Ventforet Kofu របស់ជប៉ុនកាលពី២០១៤ តែមិនជោគជ័យ។ រូបគេបានសម្រេចចូលរួមជាមួយក្លឹបលីគទី២របស់ជប៉ុន Consadole Sapporo ឆ្នាំ២០១៥ ប៉ុន្តែបង្ហាញខ្លួនបានតែ៥ប្រកួតប៉ុណ្ណោះដោយសាររបួស។ ក្នុងវ័យ២៨ឆ្នាំ រូបគេនៅតែជាមុខសញ្ញារបស់ក្លឹបថៃ ប្រសិនរូបគេជាពីរបួសមែនទែន។

4- Billy Ketkeophomphone

Billy មានដើមកំណើតនៅបារាំងប៉ុន្តែសញ្ជាតិឡាវ។ កីឡាកររូបនេះបច្ចុប្បន្នលេងនៅក្លឹប Angers ក្នុងលីគ Ligue1 របស់បារាំងផ្ទាល់។ ខ្សែប្រយុទ្ធរូបនេះចាប់អាជីពដំបូងជាមួយក្រុមយុវជន Strasbourg ហើយត្រូវបានកោះហៅចូលក្រុមធំនៅឆ្នាំ២០០៩។ ក្រោយៗមកទៀត ដោយសារតែគេឃើញមានទម្រង់លេងល្អ ទើប Billy ចេះតែមានឱកាសបានចូលលេងនៅក្លឹបក្នុងលីគកំពូលបារាំង Angers តែម្ដង។ ត្រឹមវ័យ២៥ឆ្នាំនេះ ខ្សែប្រយុទ្ធសញ្ជាតិឡាវនេះ ចង់លេងនៅអឺរ៉ុបបន្តទៀតសិន ប៉ុន្តែទៅថ្ងៃអនាគតក៏ចង់មកលេងនៅតំបន់អាស៊ីនេះដែរ។

5-Evan Dimas

Evan ជាកីឡាករលេចធ្លោម្នាក់ក្នុងក្រុមជម្រើសជាតិឥណ្ឌូណេស៊ី។ ត្រឹមវ័យ២១ឆ្នាំនេះ រូបគេទទួលបានការចាប់អារម្មណ៍ច្រើនពីសំណាក់ក្លឹបនានា ជាពិសេសក្លឹបអ្នកមាននៅថៃតែម្ដង។ ខ្សែប្រយុទ្ធរូបនេះ បង្ហាញខ្លួនលើកដំបូងឱ្យឥណ្ឌូណេស៊ីនៅឆ្នាំ២០១៤កន្លងទៅ ហើយក៏បានចូលលេងនៅ Suzuki Cup ផងដែរ។ លើសពីនេះទៅទៀត រូបគេក៏បានចូលលេងនៅ SEA Games 2015 ដោយគ្រានោះនរណាៗក៏សរសើរពីសមត្ថភាព Evan ដែរ។

ប្រភព៖ Four Four Two ប្រែសម្រួល៖ មុន្នីរម្យ

ពាក្យទាក់ទង

អត្ថបទសំខាន់ ចាន់ វឌ្ឍនាកា

អត្ថបទពេញនិយម

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

អត្ថបទថ្មី

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ហេតុផលធំមួយលោក RICKY Sun ឈប់ពីអាជីពចម្រៀងមកធ្វើគ្រូគុនខ្មែរ

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!

យុវជន លឹម ចិត្រា មានឆន្ទៈចង់ក្លាយជាកីឡាករអាជីព និងលេងក្រៅប្រទេសដូច Idol វឿន វាសនា