Zidane នឹងដាក់ខ្សែប្រយុទ្ធទាំង២ Benzema & Morata ដើម្បីបន្លាច Sevilla យប់នេះ
- 2017-01-04 12:31:39
- ចំនួនមតិ 0 | ចំនួនចែករំលែក 0
Zidane នឹងដាក់ខ្សែប្រយុទ្ធទាំង២ Benzema & Morata ដើម្បីបន្លាច Sevilla យប់នេះ
ចន្លោះមិនឃើញ
អ្នកចាត់ការ Zinedine Zidane របស់ក្រុម Real Madrid នឹងដាក់ខ្សែប្រយុទ្ធជួរមុខទាំង២គឺ Karim Benzema និង Alvaro Morata ឲ្យលេងចាប់ដៃគូគ្នាតែម្តង ពេលប៉ះ Sevilla នៅពាន Copa del Rey វគ្គ១៦ក្រុម ជើងទី១ នៅកីឡដ្ឋាន Santiago Bernabeu វេលាម៉ោង០៣:១៥នាទីយប់នេះ។ នេះបើតាមសេចក្តីរាយការណ៍ចុងក្រោយពីអេស្ប៉ាញ។
ប្រភពពី Marca បានឲ្យដឹងថា អ្នកចាត់ការសញ្ជាតិបារាំង នឹងប្រើប្រព័ន្ធលេង ៤-៤-២ សម្រាប់ប្រកួតលើកដំបូងសម្រាប់ឆ្នាំថ្មី២០១៧ របស់ក្រុមស្តេចស Real Madrid យប់នេះ ដោយដាក់ Benzema និង Morata ឲ្យលេងជាមួយគ្នានៅតំបន់ខាងលើ ដើម្បីបំបែកប្រព័ន្ធការពាររបស់ក្រុមលោក Jorge Sampaoli បន្ទាប់ពី Cristiano Ronaldo ត្រូវឲ្យសម្រាក ព្រោះទើបត្រឡប់ពីប្រទេសព័រទុយហ្គាល់បានតែ១ថ្ងៃ។
បច្ចុប្បន្នខ្សែប្រយុទ្ធបារាំង Benzema កំពុងលេងបានល្អវិញហើយ ដោយ២០ប្រកួតរដូវកាលនេះ ស៊ុតបាន ១០គ្រាប់ ខណៈដែលខ្សែប្រយុទ្ធជម្រើសជាតិអេស្ប៉ាញ Morata ឯណោះវិញ ក៏មិនអន់ប៉ុន្មានដែរ ដោយ២១ប្រកួត ស៊ុតបាន៩គ្រាប់ គ្រប់កម្មវិធីប្រកួតទាំងអស់៕