Real បំបាក់ Sevilla បន្តកំណត់ត្រាមិនស្គាល់ពាក្យចាញ់ ៣៨ប្រកួតចុងក្រោយ
- 2017-01-05 02:05:11
- ចំនួនមតិ 0 | ចំនួនចែករំលែក 0
Real បំបាក់ Sevilla បន្តកំណត់ត្រាមិនស្គាល់ពាក្យចាញ់ ៣៨ប្រកួតចុងក្រោយ
ចន្លោះមិនឃើញ
ក្រុមស្តេចស Real Madrid បានបន្តកំណត់ត្រាដ៏អស្ចារ្យ មិនទាន់ស្គាល់ពាក្យថា "ចាញ់” ក្នុង ៣៨ ប្រកួតចុងក្រោយ បន្ទាប់ពីបំបាក់ Sevilla ៣-០ ទៀត ក្នុងការប្រកួតពានរង្វាន់ Copa del Rey វគ្គ១៦ក្រុម ជើងទី១ នៅកីឡដ្ឋាន Santiago Bernabeu កាលពីយប់មិញ។
Real បានឲ្យតារាឆ្នើម Cristiano Ronaldo សម្រាក ហើយកីឡាករសំខាន់មួយចំនួនទៀតដូចជា Sergio Ramos, Pepe និង Gareth Bale ក៏អវត្តមានដែរយប់មិញ។ ទោះជាយ៉ាងណា ក្រុមរបស់លោក Zinedine Zidane នៅតែធ្វើបានល្អខ្លាំង ដោយអាចឈ្នះ ៣-០ ហើយគ្រាប់បាល់កើតឡើងនៅតង់ទី១ ទាំងអស់។ James Rodriguez ស៊ុតកោងជើងឆ្វេងយ៉ាងអស្ចារ្យ នាទី១១ មុនពេលខ្សែការពារ Raphael Varane តែតគ្រាប់ទី២ នាទី២៩។ ប្រធានក្រុមជម្រើសជាតិកូឡុំប៊ី James បានស៊ុតបាល់ពិន័យ១១ម៉ែត្រគ្រាប់ទី៣ នៅនាទី៤៤។
សម្រាប់ការប្រកួតជើងទី២ Real Madrid នឹងត្រូវធ្វើដំណើរទៅទឹកដីក្រុម Sevilla វិញម្តង នាថ្ងៃទី១២ ខែមករា ខាងមុខនេះ៕
សូមទស្សនាវីដេអូខាងក្រោម៖