តារា៤រូបទទួលមេដាយមាសពីអង្គភាពប្រឆាំងអំពើពុករលួយ
- 2017-01-07 03:21:06
- ចំនួនមតិ 0 | ចំនួនចែករំលែក 0
តារា៤រូបទទួលមេដាយមាសពីអង្គភាពប្រឆាំងអំពើពុករលួយ
ចន្លោះមិនឃើញ
តារាបួននាក់ទទួលបានមេដាយមាសឥស្សរិយយសពីអង្គភាពប្រឆាំងអំពើពុករលួយក្នុងកម្មវិធី "ទិវាអន្តរជាតិប្រឆាំងអំពើពុករលួយ៩ធ្នូ"។
តារា៤រូបដែលមានដូចជា មាស សុខសោភា សុគន្ធ នីសា ឆន សុវណ្ណរាជ ញឹម ចាន់ថន ទទួលបានលិខិតសរសើរ និងមេដាយមាសដែលបំពាក់ដោយលោកជំទាវឧបនាយរដ្ឋមន្ត្រី ម៉ែន សំអន រដ្ឋមន្ត្រីទំនាក់ទំនងព្រឹទ្ធសភា រដ្ឋសភា និងអធិការកិច្ច។
រង្វាន់នេះ ត្រូវបានប្រគល់ជូនទៅតារាដែលមានស្នាដៃល្អក្នុងការចូលរួមសម្ដែងដោយស្ម័គ្រចិត្តជូនអង្គភាពប្រឆាំងអំពើពុករលួយក្នុងព្រឹទ្ធការណ៍កន្លងមក ដើម្បីបញ្ជ្រាបចំណេះដឹងពីការប្រឆាំងអំពើពុករលួយក្នុងស្រទាប់ប្រជាពលរដ្ឋខ្មែរ។
ដូច្នេះ ជាកិច្ចតបស្នងដល់សិល្បករចាស់ថ្មី ដែលមានឆន្ទៈក្នុងការប្រឆាំងអំពើរលួយនេះ ទើបអង្គភាពមួយនេះ សម្រេចផ្ដល់មេដាយកិត្តិយសជាការលើកទឹកចិត្ត។ នេះបើតាមលោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ។
នេះ មិនមែនជាលើកទី១ទេ ដែលអង្គភាពប្រឆាំងអំពើពុករលួយ បានធ្វើការបំពាក់មេដាយជូនសិល្បករ ដោយនៅខែធ្នូ ២០១៦ កន្លងទៅ សិល្បករមួយក្រុម និងថ្នាក់ដឹកនាំផលិតកម្មសាន់ដេ ក៏ទទួលបានការផ្ដល់ជូនមេដាយដូចគ្នានេះដែរ ក្រោយពីពួកគេបានចូលរួមផ្សព្វផ្សាយ និងសម្ដែងមិនយកកម្រៃក្នុងកម្មវិធីបន្តបន្ទាប់រៀបចំដោយអង្គភាពខាងលើ៕